Hukum sholat idul fitri sareng idul adha

PERTINGKAH SHOLAT LEBARAN DUA (IDUL FITRI SARENG IDUL ADHA)

Sumber : Kitab fathul qorib, halaman 19

Ieu pasal bade ngajelaskeun sholat lebaran dua (idul fitri sareng idul adha).tah ieu sholat lebaran dua hukumna sunat muakad (sunat anu dikeukeuhkeun)

Ieu sholat lebaran dua dilaksanakeunana tiasa bari berjamaah pikeun anu nyorangan, anu lumaku, anu merdeka, abid, banci, awewe. Ngan awewe anu geulismah ulah ngahadiran sholat id, sok sanajan awewena lungguh. Atawa awewe anu  henteu geulis ngan loba ceta (loba tingkah) eta oge ulah ngahadiran kana sholat id, mantak sholatna di bumi wae da hukumna tetep sunat sok sanajan dilaksanakeunana henteu di masjid.

Tah, ari nini-ninimah menang hadir kana sholat id anu dilaksanakeun di masjid tapi aya 3 syarat :

1. Kudu aya idzin tinu jadi salakina

2. Make pakean anu sok di pake di imah (pakean biasa, lain paranti ka kondangan)

3. Ulah make seuseungitan

• Ari waktuna sholat lebaran dua nyaeta antara bijil panon poe jeung lingsirna panon poe. Jadi meunang sholat id jam 10 oge. 

• Sholat id dilaksanakeunana 2 rokaat

NIAT SHOLAT IDUL FITRI :

اُصَلِّی سُنَةً لِعِيْدِ الْفِطْرِ رَكْعَتَيْنِ مُسْتَقْبِلَ الْقِبْلَةِ مَأْمُوْمًا لِلّٰهِ تَعَالَی اَللّٰهُ اَكْبَرْ

Hartosna :

Niat abdi sholat sunat  'idul fitri dua roka'at bari madep ka qiblat ma' mum karena Alloh ta'ala. 

NIAT SHOLAT IDUL ADHA :

اُصَلِّی سُنَةً لِعِيْدِ الْاَضْحَی رَكْعَتَيْنِ مُسْتَقْبِلَ الْقِبْلَةِ مَأْمُوْمًا لِلّٰهِ تَعَالَی اَللّٰهُ اَكْبَرْ

Hartosna :

Niat abdi sholat sunat 'idul adha dua roka'at bari madep ka qiblat ma' mum karena Alloh ta'ala.

• Dina saba'da niat Teras Maca du'a iftitah

• Dina saba'da Maca du'a iftitah tuluy takbir 7 kali (dina rokaat kahiji) salianti takbir takbirotul ihrom, sarta sunat dipisah ku bacaan :

سُبْحَانَ اللّٰهِ وَالْحَمْدُ لِلّٰهِ وَلَا اِلٰهَ اِلَّا اللّٰهُ اَللّٰهُ اَكْبَرْ

• Dina antara takbirotul ihrom jeung takbir anu kahiji henteu sunat dipisah ku bacaan anu diluhur,sabab etamah henteu kaasup dipisah,da anu sunat dipisah mah antara takbir anu 7. 

• Saba'da Maca takbir anu 7 Teras Maca ta'ud, Teras Maca surat Al-fatihah, teras dina saba'da Maca surat Al-fatihah Maca surat ق bari ditarikeun. 

• Salajengna dina rokaat anu kadua Maca takbir 5 kali salianti takbir nangtung tina sujud. 

KETERANGAN :

Maca takbir saba'da sujud kudu nepika beresna nangtung

Conto : Allooooooohu Akbar. 

• Saba'da Maca takbir anu 5 Teras Maca ta'ud, Teras Maca surat Al-fatihah, Teras Maca surat اِقْتَرَبَتْ bari ditarikeun. 

Dina saba'da netepan dua rokaat, sunat si jalma khutbah kana khutbah dua, anu mana dina kawitan khutbah kahiji Maca takbir 9 kali bari tuluy-tuluy, anapon dina kawitan khutbah anu kadua mah Maca takbirnateh 7 kali bari tuluy-tuluy

Lamun si jalma misah antara takbirnateh ku Maca tahmid, tahlil, ku ngalem eta teh alus. Anu dimaksud ku alus didieu teh nyaeta meunang, lain sunat

Ari takbir eta kabagi dua bagian :

1. TAKBIR MURSAL

            nyaeta takbir anu lain saba'da sholat

2. TAKBIR MUQOYAD

            Nyaeta takbir dina saba'da sholat

Ngan anu leuwih utama nyaeta takbir muqoyad

Takbir mursal hukumna sunat pikeun lalaki, awewe rek anu hadir atawa anu lumaku, rek anu cicing di imah, di jalan, di masjid atawa di pasar. Sunatnateh ti mimiti surupna panon poe tina peutingan lebaran idul fitri nepika asupna imam dina sholat lebaran. 

Teu disunatkeun ieu takbir mursal dina peutingan idul fitri dina saba'da pirang-pirang sholat, tapi saur IMAM Nawawi mah dina kitab اَلْاَ ذْكَارْ sunat cenah Maca takbirteh

Tah ari takbir muqoyadmah saur Musonif sunat dina saba'da sholat idul adha dina saba'da pirang-pirang sholat anu di fardukeun (sholat ada, sholat qodo) bahkan sunat deui takbir dina saba'da sholat rowatib, sholat sunat mutlaq sareng solat jenazah. 

Maca takbir dina sholat lebaran idul adha dina saba'da pirang-pirang sholat anu di fardukeun teh tina subuh poe arofah nepika waktu asar tina akhir poean tasyrek. 

SEGAT TAKBIR :

اَللهُ اَكْبَرْ اَللهُ اَكْبَرْ اَللهُ اَكْبَرْ لَا اِلٰهَ إِلَّا اللهُ وَاللهُ اَكْبَرْ.اَللهُ اَكْبَرْ وَلِلَّهِ الْحَمْدُ،اَللهُ اَكْبَرْ كَبِيْرًا وَالْحَمْدُ لِلّٰهِ كَثِيْرًا،وَسُبْحَانَ اللهِ بُكْرَةً وَأَصِيْلًا، لَا اِلٰهَ إِلَّا اللهُ وَحْدَهُ،صَدَقَ وَعْدَهُ،وَنَصَرَ عَبْدَهُ،وَأَعَزُّ جُنْدَهُ،وَهَزَمَ الْاَحْزَابَ وَحْدَهُ.

Hartosna :

Ari Alloh eta anu Agung 3×,teu aya deui pangeran anu wajib di ibadahan kecuali gusti Allloh,sareng ari Alloh eta anu Agung. Ari Alloh eta anu Agung, eta tetep keagungan Alloh ari sadaya puji anu opat, ari Alloh eta anu Agung kalayan Agung sabenerna, sareng ari sadaya na puji anu opat eta kagungan Alloh barina anu seueur, sareng maha suci gusti Alloh dina waktu isuk-isuk sareng dina waktu sore-sore, teu aya deui pangeran kecuali gusti Alloh barina sahiji gusti Alloh, maha bener gusti Alloh kana pirang-pirang janji Alloh, sareng nulungan gusti Alloh ka hambana gusti Alloh, sareng ngagungkeun gusti Alloh ka bala tentara Alloh, sareng ngancurkeun gusti Alloh ka pirang-pirang musuh Alloh barina sahiji Alloh. 

Beres nulis :

Jum'at 8 juli 2022

Jam  23 : 20