Ringkasan kitab kifayatul awam (bahasa sunda)
بسم الله الرحمن الرحيم
يَنَبَغِی لِكُلِّ شَارِعٍ فِيْ فَنٍّ أَنْ يَبْحَثَ عَلَی الْبَسْمَلَةِ بِطَرْفِ يُنَاسِبُ ذَلِكَ الْفَنَّ الْمَشْرُوْعَ
Hartosna peryogi ka sakur a u tumandang dina hiji pan kudu ngabahas lafad Bismillahirrohmanirrohim ku jurusan anu mantesan kana eta pan anu rek di aji.
Dina ngabahas basmalah aya sababaraha bahasan :
Bahasan kahiji lafad "ba"
1."ba" kaasup huruf syafawi anu moal bisa di ucapkeun kajaba ku mukakeun biwir,isyarah kanayen moal aya makhluq kajaba diayakeun ku Alloh
2."ba" titikna hiji,isyarah kana wahdaniatna Alloh
3."ba" diharkatan ku kasroh,isyarah kanayen Alloh mika cinta ka jalma anu مُنْكَسِرُ الْقَلْبِ (peupeus hatena narima kana papatah jeung nasehat) jeung jalma anu tawado
4.ma'nana "ba" bisa لِلْإِسْتِعَانَةْ (menta tulung) jeung bisa deui لِلْمُصَاحَبَةْ عَلٰی وَجْهِ التَّبَرُكْ (sarta kalawan ngalap berkah)
Bahasan kadua lafad اِسْمٌ
1.ma'nana : dzat anu dingaranan (المسمّی)
2.mun "ba" na bima'na لِلْإِسْتِعَانَةْ (kaasup مَجَازْ مُرْسَلْ اَنُوْ علقه نَا متعلّق متعلّق) henteu meunang dihartian ngaran,sabab henteu meunang menta tulung kana ngaran
3.lamun "ba"na bima'na لِلْمُصَاحَبَةْ عَلٰی وَجْهِ التَّبَرُك,meunang hartian ngaran,sabab meunang ngalap berkah kana ngaran Alloh
Bahasan katilu lafad اَللّٰهُ
Ari lafad Allohteh
إِسْمٌ لِلذَّاتِ الْوُجُوْبِ الْوُجُودْ
Hartosna :Ngaran pikeun dzat anu pasti ayana
Bahasan ka opat lafad الرحمن
Ma'nana :
اَلْمُنْعِمُ بِجَلَائِلِ النِّعَمِ
Hartosna :Anu masihan pirang-pirang ni'mat anu aragung
Bahasan kalima lafad الرّحيم
ma،nana :
اَلْمُنْعِمُ بِدَقَائِقِ النِّعَمِ
Hartosna :Anu masihan pirang-pirang ni'mat anu lalembut
قَوْلُهُ : اَلْحَمْدُ لِلّٰهِ الْمُنْفَرِدْ بِالْاِيْجَادِ
Ari sadaya puji eta kagungan Alloh anu nyalira kana ngayakeun makhluq (anu wungkul ku anjeuna ayana sakabeh makhluq) rek ihtiari atawa idtirori,hade atawa goreng,akur jeung kahayang atawa henteu.
قَوْلُهُ : الصَّلَاةُ وَالسَّلَامُ عَلَی سَيِّدِنَا مُحَمَّدٍ
Rohmat Alloh sareng kahormatan Alloh mugia salamina tetep ka panutan urang sadaya kangjeng Nabi Muhammad SAW anu pang utama-utamana sakabeh hamba Alloh,jeung kasadaya kulawargina sareng para sohabatna anu ngagaduhan kaalusan jeung pituduh.
قَوْلُهُ : (وَبَعْدُ) فَيَقُوْلُ الْعَبْدُ الْفَقِيْرُ
Saba'da maca Basmalah,Hamdalah,Sholawat salam ka kangjeng Rosululloh,tah sasauran hamba Alloh anu butuh kana rohmat pangerana anu maha luhur.tegesna Muhammad putra Imam Syafi'i anu bangsa pudoli lemburna,anu bangsa Syafi'i madhabna
قَوْلُهُ : قَدْ سَأَلَنِيْ بَعْضُ الْاِخْوَانِ
Saur Musonif : saenyana sawareh dulur-dulur saagama menta kuring supaya nyusun hiji Risalah anu ngamuat Ilmu TauhidTuluy kuring nyumponan pamenta ti dulur-dulur kana nyusun ieu Risalah bari dina netepkeun dalil-dalilna nurutkeun sistematik Imam Sanusi ( ابو عبد الله بن الولي الصالح يوسف السنوس المالكي التلمساني ).ngan bedana kuringmah dina ngadatangkeun dalilteh sagigireun anu di dalilan jeung kuringmah penjelasana ditambahan lantaran kuring apal kana lemahna anu ngaji dina mikir.
قَوْلُهُ : فَجَائَتْ بِحَمْدِ اللّٰهِ تَعَالٰی
Tuluy bisa bukti kalawan muji ka Alloh hiji Risalah anu berpaidah tur anu alus pikeun netelakeun ma'na anu terkandung dina ieu Risalah
قَوْلُهُ : وَسَمَيْتُهَا كِفَايَةَ الْعَوَامِ
Jeung ieu Risalahteh dingaranan ku "KIFAYATUL AWAM"(Kacukupan pikeun anu barodo)anu eusina netelakeun ilmul kalam (tauhid) anu wajib ka sakabeh mukalaf (awam) nganyahokeunana.
قَوْلُهُ : وَاللّٰهُ تَعَالٰی أَسْأَلُ اَنْ يَّنْفَعَ بِهَا
Ka Alloh wungkul kuring nyuhunkeun dimanfaatkeunana ieu Risalah.anjeuna dat anu nyukupkeun sareng anjeuna dat anu pang saena anu di pasrahanCATATAN :
1.Didieu musonif nyumponan kawajibanana,sabab kawajiban pengarang aya 4 :
- nyebut ngaran anjeuna
- nyebut ngaran anu di karangna (ngaran kitabna)
- tujuan anu dikarang
- muji karanganana
2.ma'na "رب" aya limabelas dikumpulkeun dina syiiran :
قَرِيْبٌ مُحِيْطٌ مَالِكٌ وَمُدَبِّرٌ ۞ مُرَبٍّ كَثِيْرُ الْخَيْرِ وَالْمَوْلِ لِلنِّعَمِ
وَخَالِقُنَا الْمَعْبُوْدُ جَابِرُ كَسْرِنَا ۞ وَمُصْلِحُنَا وَالصَاحِبُ الثَّابِتُ الْقَدَمِ
وَجَامِعُنَا وَالسَّيِّدُ احْفَظْ فَهَذِهِ ۞ مَعَانٍ أَتَتْ لِلرَّبِّ فَادْعُ لِمَنْ نَظَمْ
قَوْلُهُ : إِعْلَمْ اَنَّهُ يَجِبُ عَلَی كُلِّ مُسْلِمٍ
Kudu dikanyahokeun bahwa sungguh wajib ka sakabeh jalma anu islam kudu ngama'rifatkeun kana aqidah anu 50 jeung wajib nganyahokeun dalil-dalilna rek dalil ijmali atawa dalil tafsili.Numutkeun sapalih ulama (ابو اسحاق الاسفرانی) disaratkeun pikeun sahna imanteh kudu nganyahokeun dalil-dalil tafsilina,tapi ceuk jumhur ulamamah cukup tina masing-masing anu aqidah 50 teh nganyahokeun dalil ijmalina.
KESIMPULAN DINA NGANYAHOKEUN DALIL :
- ceuk qaol kahiji : hukumna nganyahokeun dalilteh wajib lain sarat.atuh hukumna jalma anu henteu nyaho kana dalil,sah imannamah ngan doraka.
- ceu qaol ka dua : hukumna nganyahokeun dalilteh jadi sarat iman (bahkan ceuk ba'duhumah dalilna oge kudu dalil tafsili,tapi ceuk jumhur mah cukup dalil ijmalina oge).atuh jalma anu henteu nyaho kana dalil hukumna kafir.
قَوْلُهُ : وَالدَّلِيْلُ التَّفْصِيْلِيُّ مِثَالُهُ
Ari ngaran dalil tafsili nyaeta :
هُوَ الْمَقْدُوْرُ عَلَی بَيَانِ وَجْهِ دِلَالَتِهِ عَلَی الْوَجْهِ الْمَطْلُوْبِ أَوْ عَنْ دَفْعِ مَا وَرَدَ مِنَ الشِّبْهِ
Hartosna :Dalil anu mampu netelakeun jalan nuduhkeunana netepan jalan anu disuprih atawa mampu nolak kakaliruan anu datang.
Conto saperti kieu : lamuna aya nu nanyakeun (سائل) naon dalil anu nuduhkeun kana ayana Alloh ta'ala...? Jawabna (مسئول) : dalilnamah ieu sakabeh mahluk.tuluy si سائل nanya deui : naha ari ieu sakabeh mahluk nuduhkeun kana ayana Allohteh ditilik tina segi mumkina (akur antaa aya jwung euweuh) atawa tina segi ayana saba'da euweuh...? Si مسئول ngajawab : ieu mahluk nuduhkeun kana ayana Alloh bisa ditilik tina segi mumkina,kalawan penjelasan
فَهٰذِهِ الْمَخْلُوْقَاتُ مُمْكِنَةٌ٬وَكُلُّ مُمْكِنٍ لَا بُدَّ لَهُ مِنْ مُوْجِدٍ.فَهَذِهِ الْمَخْلُوْقَاتُ لَا بُدَّ لَهُ مِنْ مُوْجِد
Jeung bisa tina segi ayana saba'da euweuh ,kalawan penjelasan
هٰذِهِ الْمَخْلُوْقَات مَوْجُوْدَةٌ بَعْدَ الْعَدَمِ٬وَكُلُّ مَوْجُوْدٌ لَا بُدَّ لَهُ مِنْ مُوْجِد. فَهَذِهِ الْمَخْلُوْقَاتُ لَا بُدَّ لَهُ مِنْ مُوْجِد
قَوْلُهُ : وَأَمَّا اإِذَا لَمْ يُجِبْهُ بَلْ قَالَ لَهُ
Ari ngaran dalil ijmali nyaeta :
هُوَ الْمَعْجُوْزُ عَنْ وَجْهِ دِلَالَتِهِ أَوْ عَنْ دَفْعِ مَا وَرَدَ عَلَيْهِ مِنَ الشِّبْهِ
Hartosna :Dalil anu henteu mampu netelakeun jalan nuduhkeunana atawa nolak kakaliruan anu terjadi.conto saperti gambaran kieu : lamun si مسئول henteu ngajawab pertanyaan anu dua tadi,kajaba omongan : dalilnamah ayana ieu mahluk bae...(bari henteu nyaho kana segi mumkina atawa ayana saba'da euweuh).tah ieu dalil gambaran dalil ijmali anu cukup jadi sahna iman ceuk pendapat jumhur ulamamah.
قَوْلُهُ : وَأَمَّا التَّقْلِيْدُ وَهُوَ أَنْ يَّعْرِفَ الْعَقَائِدَ الْخَمْسِيْنَ
Anapon ari hukumna taqlid anu patokanana nyaeta : nganyahokeun aqoid anu 50 bari henteu nyaho kana dalil-dalilna,rek dalil ijmali atawa tafsili.tah ieuteh si ihtilafkeun ku para ulama :- qaol kahiji : iman taqlid hukumna teu sah,atuh jalma anu taqlid hukumna kafir.ieu kaolteh pendapat اِبْنُ عَرَبِی sareng شَيخْ سَنُوْسِی , bahkan anjeuna memperpanjang dina sarah kitab الْكُبْرَی kana penolakan ulama anu berpendapat kana cukupna iman taqlid.tapi aya tuqilan anu nyebatkeun iman Sanusi henteu tulus berpendapat kana ieu qaol,jeung anjeuna sasauran yen iman taqlid sah.tapi (ceuk Musonif) kuring teu pernah ningali dina kitab-kitabna kajaba kana ieu qaol anu nyebutkeun kana henteu cukupna iman taqlid.
- qaol kadua : imana jalma anu taqlid hukumna sah,tapi doraka kalawan mutlaq rek ahli mikir atawa lain
- qaol katilu : imana jalma anu taqlid hukumna sah,ngan doraka piekun anu ahli mikir,henteu doraka pikeun anu teu mampu mikir (ieu qaol soheh / mu'tamad)
- qaol ka opat : iman taqlid sah bari henteu doraka kalawan mutlaq,rek ahli mikir atawa lain.
مُقَدِّمَةٌ
قَوْلُهُ : إِعْلَمْ أَنَّ فَهْمَ الْعَقَائِدِ الْخَمْسِيْنَ الآتِيَةِ
Ari ieu eta hiji مُقَدِّمَةٌ (pembukaan).kudu dikanyahokeun bahwa saenyana ngarti kana aqoid iman anu lima puluhteh eta ngadago kana perkara anu tilu :1.kudu ngarti kana ngaran wajib akli
2.kudu ngarti kana ngaran mustahil aqli
3.kudu ngarti kana ngaran jaizul aqli
قَوْلُهُ : فَاالْوَاجِبُ هُوَ الَّذِيْ لَا يُتَصَوَّرُ فِی الْقْلِ عَدَمُهُ
Ari ngaran wajib aqli nyaeta : perkara anu henteu kagambarkeun / henteu kaharti ku aqal euweuhna,tegesna aqal henteu ngabenerkeun kana euweuhna.saperti menggon pikeun jirim,tegesna ngalapna jirim kana lolowong saukuran eta jirim.ari jirim eta saperti tatangkalan atawa batu (jentul)CATATAN :
Wajib aqli aya doruri saperti menggona jirim,jeung aya anu nadori saperti ayana dat anu ngadamel mahluk (Alloh)
قَوْلُهُ : فَإِذَا قَالَ لَكَ شَخْصٌ
Atuh dimana aya jalma nyarita ka anjeun : yeuh aya tangkal dina taneuh tapi teu ngalap tempat(lolowong sasrekna) tina bumi.tah eta caritaanteh teu dibenerkeun ku aqal anjeun,lantaran ngalapna itu tangkal kana lolowong sasrekna etateh mangrupakeun kapastian ceuk aqal anu teu dibenerkeun ku aqal euweuhna (henteuna)CATATAN :
Anu disebut jirim nyaeta perkara / hiji jentul anu butuh kana lolowong sapas manehna nempat.eusina aya opat :
Kahiji جمادات :
جَوْهَرُ غَيْرُ نَامٍ
Hartosna :hiji jirim anu ngagedean (saperti batu)
Kadua نباتات :
جِسْمُ نَامٍ غَيْرُ مُتَحَرَّكٍ بِاالإِرَادَةِ
Hartosna :Jisim anu ngagedean ngan henteu usik ku karepna sorangan (saperti tatangkalan)
Katilu حيوانات :
جِسْمُ نَامٍ حَسَّاسِيٌّ مُتَحَرِّكٌ بِاالإِرَادَةِ
Hartosna :Jisim anu ngagedean anu ngabogaan pangrasa tur usik ku karepna sorangan (saperti domba)
Ka opat إنسانيات :
جِسْمُ نَامٍ حَسَّاسِيٌّ مُتَحَرِّكٌ بِاالإِرَادَةِ نَاطِقٌ
Hartosna :Jisim anu ngagedean anu ngabogaan pangrasa bari usik ku karepna sorangan tur boga aqal (manusa)
قَوْلُهُ : وَالْمُسْتَحِيْلُ هُوَ الَّذِيْ لَا يُتَصَوَّرُ فِيْ الْعَقْلِ وُجُدُهُ
Ari ngaran mustahil aqli nyaeta : perkara anu teu kagambarkeun ku aqal ayana,tegesna perkara anu teu dibenerkeun ku aqal ayana.atuh lamun aya anu nyarita : bahwa aya jirim si pulan teu usik teu cicing kalawan bareng.tah eta kituteh moal dibenerkeun ku aqal anjeun,lantaran kosongna jirim tina usik jeung cicing etateh mustahil
قَوْلُهُ : وَالْجَائِزُ هُوَ الَّذِی يُصَدِّقُ الْعَقْلُ بِوُجُوْدِهِ تَارَةً
Ari ngaran jaiz ceuk aqal nyaeta : perkara anu kaharti ku aqal ayana dina hiji waktu jeung kaharti euweuhna dina waktu sejen.conto : perkara anu kaharti ku aqal ayana dina hiji waktu jeung kaharti euweuhna dina waktu sejen.conto : kijaed boga budak atawa ki jaed henteu bogaeun budak,tah aqal bisa ngartieun jeung bisa narima kana eta ucapan boh anu kahiji atawa anu kadua,sabab antara ki jaed boga budak jeung henteu boga budak eta hukumna mumkin.
قَوْلُهُ : فَهَذِهِ الْأَقْسَامُ الثَّلَاثَةُ يَتَوَقَّفُ عَلَيْهَا فَهْمُ الْعَقَائِدِ
Maka ari ngartina kana aqoidul imanteh ngadago kana ngarti ieu pembagian hukum aqal anu 3 (wajib,mustahil,jaiz).atuh kusabab kitu,nganyahokeun / memahami kana ieu anu tiluteh hukumna wajib kasakabeh mukalap rek lalaki atawa awewe,lantaran perkara anu didago ku perkara anu wajib eta teh hukumna wajib (لِأَنَّ مَا يَتَوَقَّفُ عَلَيْهِ الْوَاجِبُ يَكُوْنُ وَاجِبًا).bahkan saur imam haromaen mah : ari ngartina kana ieu anu tiluteh eta datiahna aqal.atuh saha jalma anu teu apal kana harti wajib,mustahil jeung jaiz aqli,maka eta jalmateh teu kaasup jalma anu beraqal.
قَوْلُهُ : فَإِذَا قِيْلَ هُنَا : اَلْقُدْرَةُ وَاجِبَةٌ لِلّٰهِ
Maka kulantaran anu di maksud ku wajib di dieu teh kitu (ما لا يتصور فی العقل عدمه),maka dimana-mana dicaritakeun "ari sifat qudrot eta wajib pikeun haq Alloh" tah anu dimaksud ku eta bahasateh "ari qudrot Alloh eta teu dibenerkeun ku aqal euweuhna" lantaran ari wajib aqli teh eta perkara anu teu dibenerkeun ku aqal euweuhna,sakumaha anu geus dijelaskeun tiheula.
قَوْلُهُ : وَأَمَّا الْوَاجِبُ بِمَعْنَی مَا يُثَابُ عَلٰیوفَعْلِهِ وَيُعَاقَبُ عَلٰی تَرْكِهِ
Jeung napon kecap wajib kalawan harti
مَا يُثَابُ عَلٰیوفَعْلِهِ وَيُعَاقَبُ عَلٰی تَرْكِهِ
Teh lain anu dimaksud dina ilmu tauhid,tapi lamun diomongkeun kieu wajib kasakabeh mukalap nekadkeun tumetep ayana sifat qudrot Alloh,tah anu dimaksud ku bahasa wajib dina eta omonganteh wajib sara,tegesna : diganjar mukalap ku neqadkeunnanajeung di siksa ku henteu neqadkeunana.
قَوْلُهُ : فَفَرِّقْ بَيْنَ أَنْيُّقَالَ
Kusabab kitu,anjeun kudu bisa ngabedakeun antara omongan "ari neqadkeun ayana sifat ilmu di Alloh eta wajib" jeung omongan "ari ayana sifat ilmu di Alloh eta wajib".lantaran dimana-mana diomongkeun "ari sifat ilmu eta wajib pikeun haq Alloh ta'ala" maka ma'nanateh "ari sifat ilmuna Alloh ta'ala eta henteu dibenerkeun ku aqal euweuhna"
قَوْلُهُ : وَأَمَّا إِذَا قِيْلَ اعْتِقَادُهُ الْعِلْمِ وَاجِبٌ
Jeung lamun diomongkeun kieu mah "ari neqadkeun ayana sifat ilmu di Alloh eta wajib" maka ma'nanateh "diganjar simukalap kuneqadkeun jeung di siksa lamun henteu neqadkeun".maka kusabab kitu,anjeun kudu bener-bener bisa ngabedakeun antara pengeetian wajib dina dua bahasa anu tadi.jeung anjeun ulah kaasup ka jalma anu taqlid dina urusan aqoidul iman,sabab lamun anjeun kaasup jalma anu taqlid maka iman anjeunteh masih diihtilafkeun.Atuh jalma anu taqlidmah bakal langgeng dina naraka menurut ulama anu berpendapat bahwa iman taqlidteh henteu cukup (henteu sah)
قَوْلُهُ : قَالَ السَّنُوْسِ وَلَيْسَ يَكُوْنُ الشَّخْصُ مُؤْمِنًا
Saur imam Sanusi : henteu kaasup jalma anu iman,dimana-mana eta jalma ngobrol kieu "kuring neqadkeun kalawan teqad anu jazim kana sakabeh aqoidul iman,sanajan lamun kuring di ancam rek dipotong-potong sateukteuk-sateukteuk supaya kuring robah tina kajaziman kuring,maka kuringmah moal balik tina kajaziman kuring anu ieu.bahkan eta jalma teu kaasup jalma anu iman sehungga manehanana ngayakinkeun kana sakabeh aqoidul iman anu 50 kalawan dibarengan ku dalil-dalilna
قَوْلُهُ : وَتَقْدِيْمُ هَذَّا الْعِلْمِ فَرْضٌ
Jeung ari nganyahokeun yen ngaheulakeun ieu elmu (Usuluddin) teh fardu,sabab ieu elmu mangrupakeun landasan anu bakal narima ngadeg kana eta ilmu tauhid elmu anu sejena.atuh henteu sah wuduna jalma atawa solatna kajaba dimana-mana nganyahokeun atawa neqadkeun kalawan jazim kana ieu pirang-pirang aqidah kalawan netepan ihtilaf anu parantos dicaritakeun (masalah iman taqlid)
قَوْلُهُ : وَإِذَا قِيْلَ الْعَجْزُ مُسْتَحِيْلٌ عَلَيْهِ تَعَالٰی
Lamun aya bahasa : ari apes eta mustahil ka Alloh ,maka hartinateh :akal teu bisa narima jeung henteu bisa ngabenerkeun kana ayana apes di Alloh ta'ala.jeung deui lamun aya bahasa "Alloh ngarizkian ka ki zaed ku sadinar" maka eta hukumna jaiz,hartina : akal bisa narima jeung ngartieun kana eta ayana kajadian jeung kana euweuhna eta kajadian dina waktu sejen.
قَوْلُهُ : وَلِنَذْكُرُ الْعَقَائِدَ
Samemeh nyaritakeun aqoid anu 50 secara terperinci,maka rek dicaritakeun heula secara gemblenganana.Perlu dikanyahokeun aya 20 sifat anu wajib di Alloh,20 anu mustahil di Alloh,ditambah hiji perkara anu jaiz di Alloh,atuh ieu sifat di Allohteh (anu disebut sifat Uluhiyat) sadayana aya 41.sedengkeun ari sifat di para Rosul aya 4,anu mustahil aya 4 ,jeung anu jaiz aya hiji,jadi sadayana sifat di para Rosul (sifat nabawiyat) teh aya 9.tuluy 41+9=50.atuh sadaya aqoid anu wajib dikanyahokeun aya 50 anu insya Alloh sadayana bakal dibahas hiji-hijina kalawan diperinci.
الْاوَّالُ مِنَ الصِّفَاتِ الْوَاجِبَاتِ لَهُ تَعَلٰی الْوُجُوْدُ
Nomer kahiji tina sifat anu wajib di Alloh ta'alateh nyaeta sifat Wujud hartosna aya Alloh,lalawananana sifat 'Adam hartosna euweuh Alloh.menanggapi ma'na sifat wujuddi Alloh maka terjadi bentrok / ikhtilaf dikalangan para ulama :
Menurut ulama salianti Asyari jeung pengikutna : ari ngaran wujudteh nyaeta
الْحَالُ الْوَاجِبَةُ لِلْذَّاتِ مَادَامَتِ الذَّاتُ وَهٰذِهِ الْحَالُ لَا تُعَلَّلُ بِعِلَّةٍ
Hartosna :Hiji paningkah pikeun hiji dzat salagi dat eta aya tur henteu di elatan ku hiji elat.atuh salagi eta dat ayamah,kecap ayateh tetep aya.
Pangna disebut " الْحَالُ " (tingkah) sabab moal bisa naek kana derajat maojud sahingga bisa disaksi,jeung moal bisa turun kana derajat euweuh tegesna ma'dum sehingga bukti euweuhna kalawan meles,balikta tengah-tengah antara maojud jeung ma'dum (antara aya jeung euweuh).
Conto : ki zaed aya ,tah eta bahasa ayateh bakal tetep aya salagi dzat zaedna aya .
قَوْلُهُ : وَمَعْنَی قَوْلِهِمْ لَا تُعَلَّلُ بِعِلَّةٍ
Pangna wujud mangrupakeun hiji tingkah anu henteu bisa dielatan,sabab ari eta tingkahteh henteu timbul kusabab ayana anu sejen,beda jeung bukti ki zaed anu kawasa tah timbulna bahasa "ki zaed anu kawasa (كون زيذ قادر)"teh kupedah ki zaed kawasa,da lamun ki zaedna henteu kawasamah moal aya bahasa anu kawasa.atuh ari kabuktian ki zaed anu kawasa jeung ayana ki zaed/wujud zaed etateh duanana oge tingkah anu tumetep dina dzat zaed anu henteu bisa kapanggih ku panca indra anu 5,da ari bahasa ki zaed anu kawasamah timbulna pedah aya hiji elat nyaeta kakawasaan ki zaed,sedengkeun ari ayana ki zaed / wujudna zaedmah henteu aya hiji elat anu nimbulkeun kana ayana hiji bahasateh pedah aya dzat zaed.Tah sakur-sakur tingkah anu tumetep dina dzat kalawan henteu aya hiji elat,anu kitu ngarana "Sifat Nafsiyah) tegesna dzat moal kagambar jeung moal kapanggih ku aqal tanpa ayana eta sifat nafsiyah,anu jelas mah mangrupakeun hiji tingkah (hal).atuh lamun kitumah ari dzat ari Allohteh lain wujudna Alloh lantaran ari dzat Allohmah dzat ,sedengkeun ari ayana Allohmah ?(wujudna Alloh)etamah sifat.jelas atuh ari dzat eta lain sifat.nyakitu deui pirang-pirang dzatna makhluq eta lain wujudna makhluq,da ari wujudna makhluqmah mangrupakeun sifat anu jadi pangleuwih tina dzat.
قَوُْلُهُ : وَقَالَ الْأَشْعَرِيُّ وَمَنْ تَبِعَهُ
Pendapat kadua,nyaeta pendapat imam Asyari katut pengikutna.ari ngaran wujudteh nyaeta datna maojud (عَيْنُ الْمَوْجُوْدْ) anu numutkeun anjeuna ari ayana ayana Allohteh (وجود الله) etateh datiahna dat Alloh lain perkara pangleuwih tina dat Alloh (lain sifat) dina buktina.nyakitu deui ayana pirang-pirang makhluk etateh mangrupakeun datiahna makhluq.
قَوْلُهُ : وَعَلٰی هٰذَا لَا يَظْهَرُ عَدُّ الْوُجُوْدِ صِفَةٌ
Lamun aya anu ngucapkeun "الوجود واجب له تعالی" ari wujudna Alloh eta wajib pikeun Alloh ta'ala ,maka hartina wajibna wujud aya di Alloh- numutkeun kaol kahiji (غير اشعری) : saestuna sifat nafsiyah anu mana sifat nafsiyahteh mangrupakeun paningkah,etateh pasti tumetepna di dzat Alloh sahingga henteu kaharti ku aqal lamun Alloh henteu kaancikan ku eta tingkah (sifat nafsiyah)
- numutkeun qaol kadua (امام اشعری) :saestuna dzat Allohteh eta nyata aya buktina sahingga lamun urang dibuka hijab tangtu bakal bisa ningali kana dzat Alloh,atuh ari dzat Allohmah jelas ayana.ngan pedah numutkeun qaol kahijimah wujudteh (ayateh) lain dzat,sedengkeun numutkeun qaol kaduamah dzateh wujud tea,wujudteh dzat tea
CATATAN 1 :
Barang wujud ditingali tina segi ka idrokna (kapanggihna) aya dua :
1.wujud hissi : kapanggihna ku panca indra anu 5
2.wujud aqli : kapanggihna ku aqal
* wujud aqli mumatsalah : kapanggihna ku aqal ngan aya pantarna.conto saperti : ruhani,bungah,bogoh,benci/keuheul,jeung satuluyna
* wujud aqli muholafah : kapanggih ku aqal ngan beda jeung makhluq.conto saperti dzat Alloh
CATATAN 2 :
Wujud kabagi tilu :
1.wujud idofi : ayana disarandekeun kanu sejen
Conto : ayana bapa pedah ayana anak,aya aki kupeah aya incu.
2.wujud aridi : ayana dipiheulaan ku euweuh heula
Conto : ayana ieu alam
3.wujud dzati/haqiqi : ayana henteu nyarande kanu sejen,jeung henteu kapiheulaan ku euweuh.tegesna Ayana dzat Alloh.
CATATAN 3 :
Sadayana sifat anu wajib di Alloh kabagi kana oapat :
1.sifat nafsiyah.anu kaasup kana sifat nafsiyah aya hiji (Wujud)
2.sifat salabiyah.anu kaasup kana sifat salabiyah aya lima (Qidam,Baqo,Mukholafatulilhawadisi,Qiyamuhu binafsih,Wahdaniyat)
3.sifat ma'ani.anu kaasup kana sifat ma'ani aya tujuh (Qudrot,Irodat,Ilmu,Hayat,Sama',Basor,Kalam)
4.sifat ma'nawiyah.anu kaasup kana sifat ma'nawiyah aya tujuh (kaonuhu qodiron,kaonuhu muridan,kaonuhu aliman,kaonuhu hayan,kaonuhu sami'an,kaonuhu basiron,kaonuhu mutakaliman)
قَوْلُهُ : وَالرَّلِيْلُ عِلٰی وُجُوْدِهِ تَعَلٰی
Ari anu jadi dalil kana ayana dzat Alloh nyaeta anyarna ieu alam,tegesna ayana dina saba'da euweuh heula.sedengkeun ari alam moal leupas tina dua golaongan :1.Ajrom (اجرام): pirang-pirang jirim,saperti pirang-pirang dzat
2.A'rod (اعراض) : pirang-pirang sifat anyar,saperti usik jeung cicing
Pangna anyarna alam jadi dalil kana ayana Alloh,sabab moal terjadi eta alam aya kusorangan tanpa aya anu ngayakeun,karena dina samemeh ayamah eta alamteh saimbang antara aya jeung euweuh,samangsa-mangsa eta aya maka leungit euweuh.
Atuh jelas ayana ieu alamteh bisa ngunggulan kana euweuhna,padahal samemehna mah saimbang,sedengkeun moal bisa eta ayana alamnngunggulan kana euweuhna kusorangan tanpa aya anu ngunggulan,sabab ari unggulna salasahiji dua perkara anu saimbang tanpa aya anu ngunggulkeun eta mustahil.atuh jekas ayanamah yen pikeun ayana eta alamteh aya hiji dzat anu ngunggulkeun,nya saha deui ari lain dzat pangeranmah...?
قَوْلُهُ : فَحَصِّلُ الدَّلِيلْ
Atuh kesimpulan ieu dalilteh kieu bae :1.ari alam anu terdiri tina pirang-pirang jirim jeung 'arod etateh barang anyar,tegesna ayana dina saba'da euweuh heula
2.ari sakur barang anu anyar pasti aya anu nganyarkeun (anu nyieun)
3.atuh jelasweh alamteh pasti aya anu nganyarkeunana (anu ngadamel)
Tah anu kieu disebut dalil aqli.anapon dat anu ngayakeun dinamian Alloh jeung nami-nami anu sanesna (أسماء الحسنی) etamah hasil pangbeja ti para Rosul anu melalui perjalanan wahyu anu diistilahkeun ku توقيفيّه
قَوْلُهُ : وَأَمَّ الدَّلِيْلُ عَلٰی حُدُوْثِ الْعَلَمِ
Anapon ari dalil kanayen eta alamteh anyar,kieu yeuh :Sakumaha tadi tos dijelaskeun yen alamteh moal leupas tina dua
1.jirim (saperti dat)
2.'arod (saperti usik jeung cicing)
- ieu 'aridteh barang anu anyar,buktina sok robah-robah tina aya kana euweuh tina euweuh kana aya.
Conto : usik bakal leungit lamun aya cicing,nyakitu deui cicing bakal leungit lamun aya usik.sedengkeun anu aya dina saba'da euweuh etateh anyar,atuh yakin bae yen arodteh anyar.
- jirim oge sarua barang anyar.pangna disebut anyar sabab eta jirim moal leupas tina 'arod (mulazamah),buktina eta jirim moal leupas tina cicing atawa usik ('arod tea),padahal tos dikanhahokeun yen arodteh anyar.sedengkeun ari sakur-sakur perkara anu ngamulazamah kana anyar eta pasti anyar ,atuh lamun kitumah jelas yen jirimteh anyar.
Tah anyarna dua perkara ieu (arod & jirim) teh eta mangrupakeun dalil nyata kana yen Allohteh aya,sabab setiap-tiap anu anyar pasti aya anu nganyarkeun (ngadamel) sedengkeun moal aya anu tiasa nganyarkeun jeung ngadamel ieu alam kecuali Alloh.
Ieu dalilteh disebut dalil ijmali anu wajib dikanyahokeun ku sakabeh mukalap rek lalaki atawa awewe ,bahkan ceuk ibnu arobi sareng Imam sanusimah kafir hukumna jalma anu henteu apal kana dalil ijmali.kulantaran kitu kade sing ngarasa sieun kanayen termasuk golongan jalma-jalma anu masih di ikhtilafkeun imana.
الصِّفَةُ الثَّانِيَّةُ الوَاجِبَةُ لَهُ تَعَلٰی القِدَمُ
Sifat nomor kadua anu wajib di Alloh ta'ala nyaeta sifat qidam hartina heubeul (henteu aya mimitina),lalawananana حُدُوثْ hartosna anyar (aya mimitina).atuh ari ma'nana Alloh qidamteh berarti :ayana Allohteh henteu aya mimitina.beda deui jeung ayana ki zaed,da ari ayana ki zaedmah aya mimitina nyaeta timimiti di damel نُطْفَةْ (mani).
CATATAN :
1.Sifat qidam kaasup kana golongan sifat salabiyah,sabab jadi sifat ku euweuhna tur nyabut kana maqulat "مَتَی"
2.qidam aya 3 :
- qidam idofi : heulana (heubeulna) disarandekeun kana perkara sejen.
Conto : heulana bapa disarandekeun kana pandeurina anak
- qidam zamani : heulana kakurung ku zaman.
Conto : heulana alam
- qidam haqiqi : heulana henteu disarandekeun kanu sejen jeung henteu kakurung ku zaman.tegesna heulana (heubeulna) dzat Alloh.
قَوْلُهُ : وَاخْتُلِفَ هَلِ الْقَدِيْمُ وَالْأَزَلِيُّ بِمَعْنَی وَاحِدٍ
Menanggapi masalah qodim jeung azali,sababaraha para ulama berbeda pendapat :1.numutkeun qaol kahiji : antara qodim jeung azali etateh sami ta'rufna "مَا لَا اَوَّلَ لَهُ" hartosna hiji perkara anu henteu aya mimitina.atu duanana oge (qodim & azali) ngurung kana dzat Alloh jeung sakabeh sifatna.
2.numutkeun qaol kadua : qodim jeung azaliteh beda,tegesna :
- ta'rif qodim مَوْجُوْدٌ لَا اَوَّلَ لَهُ hartosna perkara bangsa aya anu henteu aya mimitina.atuh eusina ngurung kana dzat Alloh jeung sifat ma'ani (sifat nafsiyah,salabiyah jeung ma'nawiyah henteu kaasup kana qodim ,sabab lain sifat bangsa aya)
- ta'rif azali مَا لَا اَوَّلَ لَه hartosna perkara anu henteu aya mimitina.atuh eusina ngurung kana anu bangsa aya,saperti sifat ma'ani jeung dzat Alloh.jeung ngurung kana sifat anu bangsa euweuh,saperti sifat nafsiyah,salabiyah jeung ma'nawiyah
Atuh posisina azali leuwih umum tinimbang qodim,nisbatna : sakur qodim eta azali ngan henteu sakur azali eta qodim,ngarana
عموم خصوص من اطلاق
"شَيْئَانِ يَجْتَمِعَانِ فِيْ مَدَّةٍ وَاحِدَةٍ وَيَنْفَرِدُ أَحَدُهُمَا فِيْ مَدَّةٍ أُخْرَی"
Hartosna :Hiji perkara anu bisa kumpul dina hiji tempatjeung bisa misah salasahijina dina tempat anu sejen,conto anu bisa kumpul qodim azali saperti dzat Alloh.atuh dzat Allohmah nya bisa disebut qodim bisa disebut azali,conto azali anu mencil tina qodim saperti bukti Alloha nu kawasa.tah eta Alloh anu kawasateh henteu bisa disebut qodim,sabab ari qodimah kudu anu bangsa aya,sedengkeun ari anu kawasa etateh laningkah (hal) anu henteu bisa naek kana derajat aya.
CATATAN :
Dina sapalih katerangan (kitab) aya deui pendapat anu na'rifan :
- ta'rif qodim "مَا اَوَّلَ لَهُ قَائِمٌ بِالنَّفْسِ" hartina hiji perkara anu henteu aya mimitina tur henteu ngabutuhkeun kanu sejen,nyaeta dzat Alloh wungkul.
- ta'rif azali " مَا اَوَّلَ لَهُ قَائِمٌ بِالنَّفْس وَغَيْرُ قَائِمٍ بِاالنَّفْسِ " hartosna : perkara anu henteu aya mimitina rek butuh kanu sejen atawa henteu butuh (jumeneng ku anjeuna),sabab dzat Alloh jeung sakabeh sifat-sifatna.
قَوْلُهُ : وَالدَّلِيْلُ عَلٰی قِدَمِهِ تَعَالَی اَنَّهُ إِذَا لَمْ يَكُنْ قَدِيْمًا
Ari dalilna kanayen Allohteh qidam nyaeta : lamun Alloh henteu qidam tangtu Alloh anyar (sabab moal aya pihak katilu antara qodim jeung hadis),lamun Alloh anyar tangtu butuh kanu nganyarkeun (anu nyieun) tah eta anu nyieunteh ngarana pangeran (Alloh 2),kulantaran eta Allohteh anyar tangtu eta Alloh 2 teh butuh kanu ngayakeun deui nyaeta pangeran (Alloh 3),kulantaran eta Allohteh anyar tangtu eta Alloh butuh deui kanu nganyarkeun nyaeta pangeran (Alloh 4),tuluy wae kitu.tah lamun bae henteu eureun nu kitu ngarana tasalsul,sedengkeun ari tasalsulteh mangrupakeun hiji kajadian anu mustahil.Tapi lamun eureun (henteu tuluy-tuluy) saperti gambaran kieu : lamun Alloh henteu qodim tangtu anyar,lamun Alloh anyar tangtu butuh kanu nganyarkeun nyaeta Alloh ka dua,tah kulantaran Alloh anu kadua oge anyar tangtu butuh kanu nganyarkeun nyaeta Alloh anu kahiji,Alloh anu kahiji deui di anyarkeun ku Alloh anu kadua,Alloh anu kadua di anyarkeun ku Alloh anu kahiji,jeung satuluyna.tah nukieumah ngarana daor,sedengkeun ari daor eta oge mangrupakeun kajadian anu mustahil ceuk aqal,nyakitu deui perkara anu matak nimbulkeun kana daor jeung tasalsul ieu oge mustahil,sabab aya qoidah :
لِأَنَّ كُلَّ شَيْءٍ يُؤَدِّ إِلَی الْمَحَلِّ مُحَالٌ
Hartosna :Saestuna saban-saban perkara anu nimbulkeun kana kajadian anu mustahil etateh mustahil.dina gambaran diluhur anu nimbulkeun kana daor jeung tasalsulteh nyaeta "Alloh anyar",atuh lamun kitumah Alloh anyarteh mustahil
Jadi simpulna dalilmah kieu bae :
1.lamun Alloh anyar (henteu qidam) tangtu butuh kanu nganyarkeun
2.lamun Alloh butuh kanu nganyarkeun maka bakal terjadi daor jeung tasalsul
3.sedengkeun ari daor jeung tasalsul eta dua kajadian anu mustahil
4.atuh lamun kitumah anyarna Allohteh mustahil
5.kulantaran anyarna Allohteh mustahil maka pasti Allohteh qidam
CATATAN :
- Ngaran daor
الدَّوْرُ هُوَ تَوَاقُفُ شَيْءٍ عَلَی شَيْءٍ آخَرَ يَتَوَاقَفُ عَلَيْهِ
Hartosna :Ngadagona hiji perkara kana perkara anu sejen anu eta perkara anu kaduateh ngadago deui kana perkara anu kahiji.
- Ngaran tasalsul
التَّسَلْسُلُ هُوَ تَتَابُعُ الْأَشْيَاءِ وَاحِدًا بَعْدَ وَاحِدٍ إِلَی مَا لَا نِهَايَةَ لَهُ
Hartosna :Tuluy-tuluyna pirang-pirang perkara nepikakeun henteu aya tung-tungna
Tah ieu dalilteh dalil ijmali pikeun qidamna Alloh anu bisa ngaleupaskeun jalma mukalaf belenggu iman taqlid anu matak ngajadikeun jalma langgeng dina naraka (menurut Ibnu arobi & Imam Sanusi)
Lamun di arabkeunmah dalil aqlinateh kieu :
أَنَّهُ لَوْ لَمْ يَكُنْ قَدِيْمًا لَكَانَ حَادِثًا وَلَوْ كَانَ حَادِثًا لَافْتَقَرَّ إِلَی مُحْدِثٍ فَيَلْزَمُ الدَّوْرُ وَالتَّسَلْسُلُ وَهُمَا يَسْتَحِيْلَانِ عَقْلًا٬وَهَذَا التَّالِی (دور تسلسل) بَاطِلٌ فَلَمَّا بَطَلُ التَّالِی بَطَلَ المُقَدَّمُ وَلَمَّا بَطَلَ الْمُقَدَّمُ ثَبَتَ نَقِيْضُهُ وَهُوَ الْمُدَلِّلُ٬فَثَبَتَ لَهُ تَعَالَی الْقِدَمُ
الصِّفَةُ الثَّالِثَةُ الْوَاجِبُ لَهُ تَعَالَی الْبَقَاءُ
CATATAN :
1.Sifat baqo kaasup kana sifat salabiyah,sabab nyabut kana maqulat "مَتَی" tur jadi sifat ku euweuhna
2.Baqo kabagi tilu :
- Baqo zamani : langgengna kakurung ku zaman
- Baqo nisbi : langgengna hiji perkara pedah dinisbatkeun jeung anu sejen
- Baqo haqiqi : langgengna henteu kakurung ku zaman jeung henteu dinisbatkeun kunu sejen
قَوْلُهُ : وَالدَّلِيْلُ عَلَی بَقَائِهِ تَعَالَی أَنَّهُ لَوْ جَازَ
Ari anu jadi dalil kanayen Allohteh kasifatan ku sifat baqo nyaeta :Lamun Alloh bisa kacantelan ku kecap euweuh tangtu Alloh anyar,lamun Alloh anyar pasti butuh kanu nganyarkeun,maka kadituna bakal terjadi tasalsul jeung daor,sedengkeun daor jeung tasalsulteh duanana mustahil,atuh wajib pikeun Alloh baqo
Penjelasanana dalil baqo kieu :
Saestuna perkara anu wenang euweuhna tangtu henteu qodim,sabab sakur-sakur perkara anu kacantelan ku euweuh tangtu wenang ayana (جائز الوجود / هنت واجب),sakur-sakur perkara anu jaiz ayana etateh anyar,sakur-sakur anu anyar tangtu butuh kanu nganyarkeun,sedengkeun anu nganyarkeunateh dat Alloh tea.sakur perkara anu qidam maka mustahil adam (euweuhna) atuh lamun kitumah dalil sifat baqoteh mangrupakeun dalilna sifat qidam.
Ayeuna lamun dilempengkeunmah kieu,coba bandingkeun....!
Lamun Alloh henteu wajib baqo (gambaran wenang euweuhna) pasti moal qidam,sedengkeun ari qidam henteu sah kacabutna ti dat Alloh,tegesnamah Allohteh wajib qidam (sakumaha parantos di dalilan ti payun) atuh kulantaran wajib qidam maka baqo oge wajib di Alloh.
Tah ieuteh dalil ijmali anu wajib dikanyahokeun ku sakabeh mukalaf dina saban-saban aqidah,sehingga lamun aya jalma anu apal kana dalil ijmali ngan sawarehna maka can cukup pikeun ngesahkeun iman (numutkeun ulama anu berpendapat yen iman taqlidteh teu sah).
الصِّفَةُ الرَّبِعَةُ الْوَاجِبَتُ لَهُ تَعَالَی الْمُجَالَفَةُ لِلْحَوَادِثِ
Kulantaran Allohteh nyulayaan (ngabedaan) ka sakabeh makhluq rek manusa,jin,malaikat oge anu sanesna,maka henteu sah Alloh kasifatan ku pirang-pirang sifat makhluq anu anyar saperti leumpang,diuk,pirang-pirang anggota (sungut,panon,ceuli) jeung sakabeh anu aya dina kereteg hate saperti jangkung,lebar,pendek,lintuh.tah Allohmah maha bersih jauh tina kasifatan ku sifat-sifat anu bieu (sifat makhluq)
- Pertanyaan :
Kumaha lamun dina Al-Qur'an atawa Sunat (Hadis) aya bahasa anu matak nimbulkeun sangkaan ayana titik sama antara Alloh jeung makhluq
- Jawabanana :
Ayat Allob aya dua :
1.Ayat anu jelas ma'nana (محكمات)
2.Ayat anu samar ma'nana (متشبهات)
Tah menanggapi ayat-ayat متشبهات tegesna ayat-ayat anu mere sangkaan ayana titik sama antara Alloh jeung makhluq,maka para Ulama kabagi kana dua kelompok :
1.Ulama Salaf : Ulama Salaf ngagunakeun ta'wil ijmali bari henteu dijelaskeun ma'nana kalawan tafwid / dipasrahkeun ka Gusti Alloh.
2.Ulama kholaf : Ulama Kholafmah ngagunakeun ta'wil tafsili sarta ngajelaskeun kana ma'na anu munasabah.
Dasar pemikiranamah sami duanana oge tina Ayat : وَمَا يَعْلَمُ تَأْوِيْلَهُ إِلَّا اللّٰهَ وَالرَّاسِخُوْنَ فِی الْعِلْمِ يَقُوْلُوْنَ الآية.tapi Ulama salaf dina lafad وَالرَّاسِخُوْنَ dijadikeun ibtida,sedengkeun ku Ulama kholafmah di atafkeun kana lafad يَعْلَمُ katambah deui diperkuat ku ayat :
وَأَنْزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ عَلَيْهِمْ لَعَلَّهُمْ تَتَفَكَّرُونَ
Ceuk katerangan dina johar tauhid :
وَكُلُّ نَصٍّ أَوْهَمَ التَّشْبِيْهَا ۞ أَوِّلْهُ أَوْ فَوِّضْ وَرُمْ تَنْزِيْهَا
سَكُورْ آنَصْ قُرْأَنْ تَوَا حَدِيثْنَا ۞ نُوْ نِمْبُوْلْكٓنْ جِفْتَا سَلَاهْ فَيكْ تَأْوِيلْنَا
CATATAN :
- pangna didieu dibahasakeun mukholafah lilhawadis henteu mukholafah lilmumkin sabab tujuanana oge rek ngabedakeun Gusti Alloh jeung barang anu anyar lain kanu euweuh,rek dimimitian ku aya atawa ku euweuh
- bedana hawadis jeung mumkin :
1.ari hawadismah perkara anu ayana dina euweuh heula
2.ari mumkinmah akur antara aya jeung euweuh (kongang ayana kongang euweuhna)
3.mumkin kabagi tilu
* euweuh samemeh aya
* aya saba'da euweuh
* euweuh saba'da euweuh
Atuh lamun dibandingkeunmah luas keneh mumkin tinimbang hawadis,sabab hawadismah sawareh tina mumkin
قَوْلُهُ : وَالدَّلِيْلُ عَلَی وُجُوْبِ الْمُخَالَفَةِ لَهُ تَعَالَی
Ari anu jadi dalil kanayen Alloh wajib kasifatan ku mukholafah lilhawadis nyaeta kieu : lamun Alloh dikira-kirakeun Alloh kaaifatan ku sifat anu aya dinu anyar tangtu Allohteh anyar,lamun Alloh anyar atuh butuh kanu ngamyarkeun,anu ngamyarkeuna oge butuh deui kanu nganyarkeun,maka timbul daor jeung tasalsul anu mana eta daor jeung tasalsulteh mangrupakeun dua kajadian anu mustahil,atuh wajib Allohteh kasifatan ku sifat mukholafatu lilhawadis.
قَوْلُهُ : وَحَاصِلُ هَذَا الدَّلِيْلِ
Kesimpulanana ieu dalilmah kieu bae atuh....:1.lamun Alloh nyarupaan kanu anyar tangtu Alloh oge sarua anyar.sabab saestuna hiji perkara anu wenang pikeun salasahiji dua perkara anu sarua,pasti wenang pikeun anu hiji deui.
2.sedengkeun ari ayana Alloh etateh mustahil,sabab Allohmah wajib baqo.
3.lamun Alloh henteu anyar tangtu Alloh beda jeung anu anyar,atuh moal aya hiji titik sama oge antara Alloh jeung pirang-pirang perkara anu anyar.
Tah ieuteh ngarana dalil ijmali anu wajib dikanyahokeun ku sakabeh jalma mukalaf.
الصِّفَةُ الْخَامِسَةُ الوَاجِبَةُ لَهُ تَعَالَی الْقِيَامُ بِالنَّفْسِ
Atuh ari hartina Alloh قائم بنفسه teh nyaeta : Alloh henteu butuh kanu ngayakeun (ngadamel),malahanmah Alloh anu ngayakeun sagala perkara.
CATATAN :
Ari bedana ngamahal jeung nagmakan :
- ari ngamahalmah nempatna / ngancikna sifat dina dat
- ari ngamakanmah nempatna jirim / dat dinu sejena (ngabutuhkeun lolowong kosong saseregna)
قَوْلُهُ : وَالدَّلِيْلُ عَلَی أَنَّهُ قَائِمٌ بِالنَّفْسِ
1.lamun Alloh butuh kana hiji dat pikeun ngancik (محل) tangtu Allohteh sifat (henteu aya bedana jeung bodas anu butuheun kana dat).sedengkeun kulantaran Alloh ngagaduhan pirang-pirang sifat,atuh henteu sah disebut sifat,da sabab ari sifatmah henteu sah disifatan deui.atuh lamun kitumah jelas Allohteh lain sifat,maka tetep Alloh Qiyamuhu binafsih lantaran henteu butuh kana محل.2.lamun Alloh butuh kanu nganyarkeun atuh Allob anyar,lamun Alloh anyar tangtu butuh kanu nganyarkeun,nyakitu deui eta anu ngadamel Alloh oge butuh kanu ngamyarkeun ka manehna,maka kadituna bakal terjadi daor jeung tasalsul anu duananateh mustahil,maka wajib Alloh Qiyamuhu binafsih
CATATAN :
- Ari Alloh غَنِيُ الْمُطْلَقْ hartosna : henteu butuh kana sagala rupa perkara
- Ari mahluqmah غَنِيُ الْمُقَيَّدْ hartosna : henteu butuh kana hiji perkara tapi butuh kana perkara anu sejen
الصِّفَةُ السَّادِسَةُ الْوَاجِبَةُ لَهُ تَعَالَی الْوَحْدَانِيَّةُ
Wahdaniyat kabagi tilu :
1.wahdaniyat fiddat
2.wahdaniyat fissifat
3.wahdaniyat fil af'al
CATATAN :
Sifat wahdaniyat di Alloh kaasup sifat salabiyah sabab jadi sifat ku euweuhna tur nyabut kana maqulat "كَمْ" anu lima nyaeta :
- kam muttasil fiddat
- kam munfasil fiddat
- kam muttasil fissifat
- kam munfasil fissifat
- kam munfasil fil af'al
Anapon ari kam muttasil fil af'almah henteu kacabut.
1.wahdaniyat fiddat salab kam muttasil :
Sahijina dat Alloh lain meunang nyusun tina pirang-pirang juz tur lain meunang ngarangkep-rangkep
2.wahdaniat fiddat salab kam munfasil :
Henteu aya hiji dat anu maojud atawa anu mumkin nyarupaan kana dzat Alloh,tegesna dat Alloh lain sebahagian tinu loba
3.wahdaniyat fissifat salab kam muttasil :
Alloh henteu ngagaduhan dua sifat anu sarua,tegesna dina masing-masing sifat Alloh henteu aya rangkepanana rek dina ngarana atawa dina ma'nana,tapi beda jeung pendapat abu sahal.
Pendapat Abu sahal : alamna Alloh (panguningana Alloh) teh seueur (bingbilangan) sakumaha seueurna anu di uninga ku Alloh.
Tah ieu bingbilanganna sifat anu sarua saperti dua sifat qudrot atawa sifat irodat,disebutna kam muttasil fissifat anu kacabut ku wahdaniyat fissifat salab kam muttasil.
4.wahdaniyat fissifat salab kam munfasil :
Salianti Alloh henteu aya anu gaduh sifat saperti sifatna Alloh
5.wahdaniyat fil af'al salab kam munfasil :
Henteu aya deui anu ngagaduhan tapak damel iwalti Alloh,tegesna saliyan Alloh henteu aya anu boga tapak damel sabab Alloh anu ngadamel makhluq jeung sakabeh padamelan makhluq.
قَوْلُهُ : وَأَمَّا مَا يَقَعُ مِنْ مَوْتِ شَخْصٍ أَوْ إِيْذَائِهِ
Anapon ari maotna hiji jalma atawa ngarasa pilarana hiji jalma ku panghukuman wali waktu ngalawan ka manehna,eta oge sami tapak damel Alloh.tegesna Alloh anu ngadamel kana eta maot jeung pilara dina waktu ambekna / benduna wali ka eta jalma anu ngalawan.
قَوْلُهُ : وَلَا تُفَسِّرُ الوَحْدَةُ فِی الأَفْعَالِ
Sareng deui wahdaniyat fil af'al henteu bisa dihartian kieu "salian Alloh henteu aya anu ngagaduhan damel anu saperti damelna Alloh" sabab eta bahasateh mere harti yen salian Alloh oge gaduh damel ngan henteu sami sareng damelna Alloh.tah ieu bahasateh batal sabab Alloh anu ngadamel makhluq (كُلُّ مَا سِوَی اللّٰه) jeung anu dipigawe ku makhluq "وَاللّٰهُ خَلَقَكُمْ وَمَا تَعْمَلُوْنَ" Alloh anu ngadamel maraneh jeung anu midamel pagawean maraneh kabeh.CATATAN :
1.ari hartina "كَمْ" nyaeta bingbilangan,atuh ari hartina :
- kam muttasil fiddat : ayana hiji dat meunang ngarangkepkeun tina pirang-pirang juz
- kam munfasil fiddat : ayana hiji dat sebahagian tinu sejen
- kam muttasil fissifat : hijina tina jinis sifat Alloh aya rangkepanana
- kam munfasil fissifat : salianti Alloh aya anu ngabogaan sifat saperti sifat Alloh
- kam munfasil fil af'al : salianti Alloh aya deui anu ngabogaan tapak damel
Tah ieu anu lima sadayana kacabut ku sifat wahdaniatna Alloh,atuh hijina Allohteh henteu kitu (saperti anu di luhur bieu)
2.anapon kam muttasil fil af'al henteu kacabut ku sifat wahdaniyat,sabab tapak damel Allohmah seueur.dalilna nyaeta ayat Al-Qur'an
"إِنَّ اللّٰهَ فَعَّالٌ لِمَا يُرِيْدُ"
قَوْلُهُ : وَالدَّلِيْلُ عَلی وُجُوْبِ الْوَحْدَانِيَّةِ لَهُ تَعَالَی
Dalil kana wajibna wahdaniyat di Alloh nyaeta : lamun Alloh ngahaduhan rencang1.urusanana sepakat pikeun ngayakeun alam.
Conto saperti : ceuk pangeran anu kahiji "kuring rek nyieun alam",tuluy ceuk pangeran anu hiji deui nyarita "kuring oge rek ngabantuan ngadamel bareng jeung anjeun".lamun eta alamteh terbukti ayana ku duaan maka misti kumpul dua anu napakan dina hiji tapak,sedengkeun etateh mustahil (dua anu migawena hiji anu dipigawena), atuh tetep pangeranteh hiji.
2.urusan dina nyieun alam beda.
Conto saperti : ceuk pangeran anu kahiji "kuring rek nyieun alam kalawan kakawasaan kuring sorangan,ceuk pangeran anu hiji deui "kuring rek ngahancurkeun eta alam".lamun bae tujuan salasahijina pangeran aya anu terlaksana maka pangeran anu hiji deui apes,sedengkeun geus di pastikeun eta dua pangeranteh sarua dina kapangerananana,lamun anu hijina apes maka anu hijina deui oge apes lantaran sarua.atuh eta pangeranteh henteu bisa nyieun alam lantaran apes,atuh tetep pangeran teh hiji.
Tah anu bieu ngarana dalil ijmali anu wajib dikanyahokeun ku sakabeh mukalaf rek lalaki atawa awewe,sahingga saha jalma anu henteu apal kana dalil ijmali hukumna kafir (numutkeun seh Sanusi jeung Ibnu arobi)
قَوْلُهُ : وَالْقِدَمُ وَالْبَقَاءُ وَالْمُخَالَفَةُ لِلْحَوَادِثِ
Tah ieu sifat qidam,baqo,muholafatu lilhawadisi,qiyamuhu binafsihi,sareng sifat wahdaniyatteh sadayana kaasup sifat salabiyah,hartina ieu sifatteh nyabut jeung ngeuweuhkeun kana sagala perkara anu henteu layak ka gusti Alloh.CATATAN :
Dalil anu dipake diluhur ieu sadayana ngagunakeun dalik aqli,sabab dalil aqlimah bisa asup (intern) jeung bisa asup ka (extern) bisa digunakeun di kalangan mu'min jeung bisa di luar mu'min.da lamun kafir dibere dalil naqlimah boro-boro ngaimankeun kanu di dalilanana,dalah kana dalilna oge (Al-qur'an atawa hadis) henteu iman.
Anapon dalil naqlinamah nyaeta :
١.وُجُودْ : قُلْ مَنْ رَّبُّ السَّمَوَاتِ وَالْاَرْضِ قُلِ اللّٰهُ (الرعد : ١٦
٢.قِدَمْ : هُوَ الْاَوَّلُ وَالْأٓخِرُ وَالظَّاهِرُ وَالْبَاطِنُ (الحديد : ٣
٣.بَقَاءْ : وَيَبْقَی وَجْهُ رَبِّكَ ذُوْ الْجَلَالِ وَالإِكْرَام (الرحمن : ٢٧
٤.مُخَالَفَةُ لِلْحَوَادِثِ : لَيْسَ كَمِثْلِهِ شَيْءٌ (الشوری : ١١
٥.قِيَامُهُ بِنَفْسِهِ
۔ لَا إفْتَقَارَ اِلَی الْمَحلِ : إِنَّ اللّٰهَ لَغَنِيٌّ عَنِ الْعَالَمِيْنَ (العنكبوت : ٦)
۔ لَا إفْتَقَارَ اِلَی مُخَصِصٍ : اَللّٰهُ لَا إِلٰهَ اِلَّا هُوَ الْحَيُّ الْقَيُّوْمُ (البقرة : ٢٥٥)
٦.وَحْدَانِيَّةْ
۔ فِی الذَّاتِ (كم متّصل جغ كم منفصل) : لَوْ كَانَ فِيْهِمَا أَلِهَةٌ إِلَّا اللّٰهِ لَفَسَدَتَا (الأنبياء : ٢٢
۔ فِ الصِّفَةِ (كم متصل جغ كم منفصل) : قُلْ مَنْ رَّبُّ السَّمَوَاتِ وَالْاَرْضِ قُلِ اللّٰهُ (الرعد : ١٦
۔ فِی الأَفْعَالِ (كم منفصل) : وَاللّٰهُ خَلَقَكُمْ وَمَا تَعْمَلُوْنَ
السِّفَةُ السَّابِعَةُ الْوَاجِبَةُ لَهُ تَعَالَی الْقُدْرَةُ
CATATAN :
- timimiti sifat qudrot dugika sifat kalam kaasup sifat ma'ani,nyaeta sifat anu bangsa aya tur jadi sifat ku ayana,sehingga lamun urang dibuka hijab urang bakal bisa ningali kana eta sifat ma'ani
- sadayana sifat ma'ani ngagaduhan ta'aluq anu tilu,nyaeta :
1.ta'aluq ifadah : fungsi jeung kagunaanana
2.ta'aluq ta'diyah : sasaranana
3.ta'aluq tarotub : tingkatanana
(Tapi siat hayatmah ngan ukur ngagaduhan ta'aluq ifadah wungkul)
قَوْلُهُ : وَهِيَ تُؤَثِّرُ لِلْمُمْكِنِ الْوُجُوْدَ الْعَدَمَ
Sifat qudrot eta hiji sifat anu napakan kana ngayakeun jeung ngeuweuhkeun barang anu mumkin,atuh :1.ta'aluq ifadahna : sifat pikeun ngayakeun jeung ngeuweuhkeun (اِيْجَدْ جٓغْ اِعْدَامْ)
2.ta'aluq ta'diyahna : kana barang anu mumkinulwujud wungkul (henteu bisa kanu wajibul wujud atawa mustahilul wujud)
3.ta'aluq tarotubna,aya tilu tingkatan :
- ta'aluq tanjizi hadis : kontakna sifat qudrot kana proses peralihan tina euweuh kana aya atawa tina aya kana euweuh.saperti ta'aluqna sifat qudrot ka anjeun samemeh aya tuluy jadi aya,atawa ta'aluqna kana hiji jisim anu keur aya rek dikersakeun ku Alloh sina euweuh.tah ieuteh ngarana ta'aluq tanjizi kalawan harti eta sifat qudroteh kontakna jeung pagaweanana (proses peralihanana)
- ta'aluq suluhi qodim : lulusna / mampuna Alloh kana ngayakeun jeung ngeuweuhkeun ti azali mula.saperti lulusna Alloh kalawan sifat qudrot kana ngayakeun jeumg ngeuweuhkeun ki zaed jangkung /pendek,pinter / bodo jeung anu sejena ti azali mula
Tah ta'aluqna kana proses peralihan tina euweuh kana aya atawa sabalikna (tanjizi hadis)teh disebutna ta'aluq haqiqi,sabab aya anu disebut ta'aluq majazi nyaeta ta'aluqna sifat qudrot kana bagian
- ta'aluq qobdoh : kontakna kana sifat qudrot Alloh kana perkara anu geus aya dina saba'da aya samemeh euweuh.saperti kontakna ka urang ayeuna keur hirup,jeung kontakna kana perkara dina saba'da euweuh,saperti kontakna ka urang dimana-mana geus maot
قَوْلُهُ : بِمَعْنَی أَنَّ الْمَوْجُوْدَ فِی قَبْضَةِ الْقُدْرَةِ
Hartina ta'aluq qobdohteh lempengnamah kieu :- lamun eta sifat qudrot kontak kana waktu keur aya samemeh euweuh,maka hartina : wujudna eta perkarateh aya dina genggaman Alloh kalawan sifat qudrotna Alloh,insya Alloh awet ayana jeung ingsya Alloh bakal di euweuhkeun deui ku Alloh kalawan sifat qudrotna.conto saperti urang ayana awet di alam dunya,tapi insya Alloh engkenamah bakal maot.
- lamun eta sifat qudrot kontakna (ta'aluq) kanu euweuh,maka hartina : eta perkara anu euweuh anu keur aya dina genggaman Alloh kalawan sifat qudrotna ingsya Alloh bakal awet dina euweuhna,tapi insya Alloh engkenamah bakal di ayakeun ku gusti Alloh.conto saperti ki zaed dina waktu zaman tufan (اووغ۔اووغ لولووغ كوسوغ جان ايا ننائون),atawa saperti urang sadaya keur aya dina saba'da maot samemeh baas
Anapon ari kontakna qudrot Alloh kana qobdoh eta aya tilu :
1.qobdoh awal :kontakna kudrot kana samemeh ayana makluq
2.qobdoh tsani : kontakna kudrot kana keur ayana makhluq samemeh maot (alam dunya ayeuna)
3.qobdoh salis : kontakna kudrot kana euweuhna makhluq dina saba'da maot (alam barzah)
Anapon ari kontakna (taaluqna) kudrot Alloh kana tanjizi hadis eta oge aya tilu tingkatan :
1.tanjizi hadis awal : peralihanana euweuh kana aya (kana jadi hirup)
2.tanjizi hadis tsani : peralihanana aya (di dunya) kana euweuh (maot)
3.tanjizi hadis salis : peralihan tina euweuh (maot) kana aya deui (ba'as)
قَوْلُهُ : فَلَهَا سَبْعُ تَعَلُّقَاتٍ
Atuh ta'aluq tarotubna sifat qudrotteh sadayana aya tujuh :1.suluhu qodim : mampuna Alloh kana ngayakeun jeung ngeweuhkeun ti azali mula
2.kobdoh awal : awet euweuhna samemeh aya
3.tanjizi hadis awal : peralihan tina euweuh kana aya (alam dunya)
4.qobdoh tsani : awet ayana saba'da euweuh (keur di alam dunya)
5.tanjizi hadis tsani : peralihan tina aya kana euweuh (maot)
6.qobdoh salis : awet euweuhna dina saba'da aya (keur di alam barzah)
7.tanjizi hadis tsalis : peralihan tina euweuh kana aya deui
CATATAN :
Nurutkeun sapalihna ulama dina kitab sanes,ta'aluq tarotubna sifat qudroteh aya dalapan,ditambah hiji deui nyaeta :
8.qobdoh robi : awet dina ayana saba'da euweuh (alam akherat)
Taoi ari taaluq haqiqimah aya dua nyaeta ngayakeun jeung ngeuweuhkeun wungkul (tanjizi hadis)
قَوْلُهُ : وَهَذَا عَلَی التَّفْصِيْلِ وَأَمَّا لِإِجْمَالِيّ
Tah anu diluhurteh perhitungan secara perinci (tapsili),anapon secara ijmalinamah ngan ukur aya dua anu geus mashur nyaeta :1.ta'aluq suluhi
2.ta'aluq tanjizi
Pedah ta'aluq tanjizimah husus kana proses ngayakeun jeung ngeuweuhkeun
Anapon ari ta'aluq qobdoh etamah henteu bisa disifatan ku tanjizi jeung henteu bisa disifatan ku suluhi
قَوْلُهُ : وَمَا تَقَدَّمَ اَنَّهَا تَتَعَلَّقَ بِالْوُجُوْدِ وَبِالْعَدَمِ
Penjelasan anu geus diterangkeun tadi,jelas yen sifat qudrot Alloh bisa ta'aluq (kontak) kana perkara anu aya (wujud) jeung bisa taaluq kana perkara anu euweuh (adam)Tah ieu kateranganteh pendapatna jumhur ulama,tapi aya sapaluh ulama anu nyebatkeun yen sifat qudrotteh henteu cumantel kana euweuh.atuh Alloh bade ngersakeun kana ngeuweuhkeun hiji jalmateh maka eta jalma bakal dicegah panjang umurna anu jadi sabab kana tetep hirulna eta jalma,tegesna cumantelna kanu keur aya wungkul.
CATATAN :
Dalil sifat qudrot Alloh ingsya Alloh engke aya dipayun
الصِّفَةُ الثَّامِنَةُ الْوَاجِبَةُ لَهُ تَعَالَی الْإِرَادَةُ
قَوْلُهُ : وَهِيَ الصِّفَةُ مُخَصِّصُ الْمُمُكِنَ بِبَعْضِ مَا يَجُوْزُ عَلَيْهِ
Ari sifat irodateh eta hiji sifat anu nangtukeun kana barang anu mumkin (maksudnamah : Alloh anu nangtukeun kana barang anu mumkin kalawan sifat irodat),ditangtukeun kana perkara anu pipanteseun pikeun eta barang anu mumkin.conto barang anu mumkinateh zaed,kulantaran zaed pasti kakeunaan ku salasahijina antara jangkung atawa pendek,tuluy Alloh nangtukeun kalawan sifat irodatna ka kizaed kana jangkung,sedengkeun Ari kudrotna Allohmah ngayakeun jangkung tina euweuh (maksudna : Alloh ngayakeun jangkung tina euweuh kalawan sifat qudritna)Jadi kesimpulanana :
1.ta'aluq ifadahna /fungsi jeung gunana sifat irodateh pikeun nangtukeun barang anu mumkin kana perkara anu pantes pikeun manehna (تَخْصِيصْ)
2.ta'aluq ta'diyahna / sasarana sifat irodateh kana perkara anu mumkinul wujud
قَوْلُهُ : الْمُمْكِنَاتُ الَّتِیْ تَتَعَلَّقُ بِهَا الْقُدْرَةُ وَالإِرَادَةُ
Ari barang mumkin anu kata'aluqan ku sifat jeung irodat sadayana aya genep :1.wujud
2.'adam
3.sifat (saperti jangkung)
4.zaman
5.makan
6.jihat
Tah ieu anu genep sokndisebut ku "مُمْكِنَاتْ مُتَقَابِلَاتْ" barang-barang mumkin anu bisa berlawanan.
Conto : wujud ngalawanan kana euweuh,jangkung ngalawanan kana pendek,luhur ngalawanan kana handap,temoat anu ieu ngalawanan kana tempat anu itu,jeung sajabana.
Dikumpulkeun dina dua bet nadoman ieu :
الْمُمْكِنَاتُ الْمُتَقَابِلَاتُ ۞ وُجُوْدُنَا وَالْعَدَمُ الصِّفَاتُ
كَذَا الْمَقَادِيْرُ رَوَی الثِّقَاتُ ۞ أَزْمِنَةٌ أَمْكِنَةٌ جِهَاةتٌ
اَرِيْ مُمْكِنْ فٓرْلَوَانَانْ كٓنٓفْ سٓكِی ۞ هِجِی اَيَا آوٓهْ دُوَا صِفَاتَانْ
تِلُوْ وَقْتُ اَوْفَةْ تٓمْفَةْ لِيْمَا جِهَاتْ ۞ كٓنٓفْ اُكُوْرَانْ جَرَا هَمْفَغْ جٓغْ بٓرَاتْ
CATATAN :
Dina matan ukuran henteu aya,ngan wujud jeung adam jadi dua nomer
قَوْلُهُ : وَحَاصِلُ ذَلِكَ أَنَّ زَيْدًا قَبْلَ وُجُوْدِهِ
Kesimpulanana tina masalah mumkinat nyaeta : saestuna ki zaed dina samemeh aya,bisa tumetep dina euweuhna jeung bisa jadi aya dina eta waktu.lamun aya maka anu nangtukeun kana ayana ki zaedteh Alloh kalawan sifat irodatna sebagai gaganti tina euweuh,sedengkeun ari anu ngajadikeun aya mah eta Alloh kalawan sifat kudrotna,lantaran kitu ku zaedteh bisa bae ayana dina zaman tufan atawa lain dina zaman tufan,bisa jangkung bisa pendek,bisa dibeulah luhur bisa di beulah handap.tah anu nangtukeun ki zaed ayana dina zaman ieu,jangkung,dihandap,etateh Gusti Alloh kalawan sifat Irodatna.
قَوْلُهُ : وَالْقُدْرَةُ وَالْإِرَادَةُ صِفَتَانِ قَائِمَتَانِ بِذَاتِهِ تَعَالٰی
Sifat Qudrot jeung sifat Irodat mangrupakeun dua sifat anu tumetep di dat Alloh tur anu bangsa aya duanana.atuh eta qudrot jeung irodateh henteu dimimitian jeung moal ditungtungan sarta henteu kaselang ku euweuh.jeung deui kulantaran duanana mangrupakeun sifat anu bangsa aya,maka lamun urang sadaya dibuka hijab urang bakal mampu ningali kana eta sifat qudrot jeung irodat.eta sifat qudrot jeung irodat moal nyasar kecuali kana barang anu mumkin (ta'aluq ta'diyah),atuh moal nyasar kana barang anu mustahil (saperti Alloh kawasa jeung ngersakeun kana ayana rencang kangge anjeuna) atawa kana barang anu wajib (saperti Alloh kawasa jeung ngersakeun ngadamel dat sareng sifatna)
قَوْلُهُ : وَمِنَ الْجَهْلِ قَوْلُ مَنْ قَالَ إِنَّ اللّٰهَ قَادِرٌ
Kaasup jalma anu bodo dimana-mana eta jalma ngucapkeun "saestuna Alloh kawasaeun ngadamel putra (kangge anjeuna)" lantaran sifat qudrot henteu nyasar kana perkara anu mustahil,sedengkeun ari Alloh ngadamel putra eta hiji perkara anu mustahil.atuh henteu bisa di omongkeun kieu "lamun Alloh henteu mampu kana ngadamel putra,maka Allohteh apes" sabab bisa soteh disebutkeun apes lamun eta perkara anu mustahil mangrupakeun bagian jeung sasarana sifat qudrot.sedengkeun urang tos terang yen sifat qudrotmah henteu cumantel kana barang muztahil, da henteu aya deui bagian jeung sasaran sifat qudrotmah kecuali barang mumkinulwujud wungkul.
قَوْلُهُ : وَلِلْاِرَادَةِ تَعَلُّقُ صُلُوْحِی قَدِيْمٍ
3.taaluqna sifat irodat aya dua :- ta'aluq suluhi qodim : lulus / mampuna Gusti alloh (kalawan sifat irodat) pikeun nangtukeun salasahiji tina dua muqobilah ti azali mula
Atuh ari ki zaed anu jangkung atawa anu pendek bisa bae henteu netepan kana eta sifat (jangkung atawa pendek) lamun ditilik tina segi pimumkineunana sifat irodat ti qodim mula.tah lamun nilik ta'aluqna kana suluhi qodim,Alloh mampu nangtukeun ka ki zaed (kalawan sifat iroatna) naha jadi raja atawa jadi tukang sampah (anu hina) ti azali mula.
- ta'aluq tanjizi qodim prakna nangtukeunana gusti Alloh kana hiji perkara ki hiji sifat (dua muqobilah) ti qodim / azali mula.
Conto : saperti sifat ilmu anu di tangtukeun ku gusti Alloh ka ki zaed ti azali mula kalawan irodatna Alloh.
Tah nangtukeunana Alloh kalawan pangersana ti qodim kana sifat ilmu ka ki zaed ngarana ta'aluq tanjizi qodim.sedengkeun ari ta'aluq suluhi qodimah nyaeta lulus / mampuna gusti Alloh (kalawan sifat iroat) pikeun nangtukeun ka ki zaed ku pinter (sifat Ilmu) jeung nu sejena ku ngareken hakekatna.
- irodat kalawan secara jalan pemikiran wungkul,lepas (lain) tina nagtukeun secara buktina.
قَوْلُهُ : وَقَالَ بَعْضُهُمْ لَهَا تَعَلُّقُ تَنْجِزِی حَادِثٍ
Numutkeun sapalih ulama,ta'aluq sifat irodatteh aya hiji deui nyaeta :3.ta'aluq tanjizi hadis : nangtukeunana Alloh kalawan sifat irodatna kana hiji perkara ku hiji sifat (salasahijina dua muqobilah) dina waktu prak rek dipigawe kana di ayakeun.tegesna anu baheula ti qodim mula geus di tangtukeun,pas prak dipigawe ditangtukeun deui.
Conto : ki zaed teh ti qodim mula geus di tangtukeun jangkung,tuluy barang rek dijieun deui ditangtukeun deui.
Atuh numutkeun ieu qaol ba'duhumah ta'aluq sifat irodateh aya tilu.tapi numutkeun qaol tahqiqmah ieu anu nomber katilu (tanjizi hadis)teh henteu termasuk ta'aluq,balikta etamah ngadohirkeun pikeun ta'aluq tanjizi qodim.
قَوْلُهُ : وَتَعَلُّقُ الْقُدْرَةِ وَالإِرَادَةِ عَامٌ لِكُلِّ مُمْكِنٍ
Saur pendapat syeikh Al malawi : ta'aluqna sifat qudrot jeung irodatteh umumna ka sakabeh barang anu mumkin,sehingga keretag anu aya dina hate jalma eta oge ditangtukeun ku Alloh kalawan sifat irodatna jeung di damel ku Alloh kalawan sifat qudrotna
قَوْلُهُ : وَاعْلَمْ أَنَّ نِسْبَةَ التَّخْصِيْصِ لِلْإِرَادَاةِ
Perlu dikanyahokeun bahwa nisbatna tahsis kana iroat,nyakitu deui nisbat ibroz jeung ijad kana qudrot,etateh nisbat majaji.sabab ari nangtukeun secara haqeqatmah etateh dat Alloh kalawan kusifat irodatna,nyakitu deui haqeqatna anu ngadohirkeun jeung ngayakeunmah dat Alloh kalawan sifat qudrotna.Atuh lamun aya jalma awam ngomonfkeun kieu "sifat qudrot Alloh geus ngadamel ka ki pulan kana anu",tah lamun maqsud eta jalmateh "eta padamelanteh hakekatna hasil qudrot Alloh",atawa "hasil qudrot Alloh babarengan sareng datna".maka eta jalmateh hukumna kafir,sabab anu benermah eta padamelanteh damel dat Alloh kalawan sifat qudrotna.
CATATAN :
- Bedana qodo jeung qodar nyaeta : ari qodomah qodim (nyambungna jeung irodat ti qodim),ari qodarmah hadis (pelaksanaan qudrot Alloh)
- Qodo aya dua :
1.qodo mu'alaq : disambungkeun jeung kasab makhluq (مَا فِیْ لَوْحِ الْمَخْفُوْظِ)
2.qodo mubrom : henteu disambungkeun jeung ikhtiarna makhluq (مَا فِی عِلْمِ اللّٰهِ) henteu dirobah ku ikhtarna makhluq
- nisbatna qudrot jeung irodat : sakur anu diirodatkeun pasti dikudrotkeun jeung sakur anu diqudrotkeun pasti diirodatkeun
- nisbatna irodat jeung parentah aya opat :
1.diparentah dikersakeun : saperti imana Abu bakar
2.diparentah henteu dikersakeun : saperti imana Abu jahal
3.henteu diparentah henteu dikersakeun : saperti kufur Abu bakar
4.henteu diparentah dikersakeun : saperti kufur Abu jahal
Tingkahna pamaksudan dina hate aya lima :
1.perkara (kereteg) anu aya dina hate sakeudeung / ngalenyap (هاجس)
2.perkara (kereteg) anu aya dina hate rada lila meueusan (خاطر)
3.kereteg anu aya dina hate rada lila saluhureun khotir (حديث النفس)
4.ngamaksud hiji perkara bari beurat rek migawena atawa ninggalkeunana (هم)
5.ngamaksud bari geus ngarasa pasti (عزم)
- dalilna sifat Irodat insya Alloh aya dipayun
الصِّفَةُ التَّاسِعَةُ الوَاجِبَةُ لَهُ تَعَالَی العِلْمُ
Nomber kasalapan tina sifat anu wajib di Allohteh nyaeta sifat ilmu (uninga Alloh) lalawananana nyaeta jahal (bodo Alloh)
Ari sifat ilmuteh nyaeta sifat anu qodim (henteu aya mimitina) tur anu tumetep ayana di dat Alloh (henteu aya tung-tungna jeung henteu kaselang-selang),anu ku eta sifat ilmu bisa kabuktian sakabeh anu dikanyahokeun kalawan terbuka secara netral ngaliputan / henteu aya anu moncor,bari henteu kapiheulaan ku henteu apal / henteu nyaho (samar).
Ari sasaran cumantelna sifat ilmu (ta'aluq ifadahna) teh nyaeta kana perkara anu wajibul wujud,jaizul wujud,mustahilul wujud.kulantaran kitu atuh Allohteh uningaeun kana dat sareng sifat anjeuna,tur Alloh oge uningaeun kana sadaya anu maojud sareng anu ma'dum kalawan sifat ilmuna,nyakitu deui Alloh uninga kana perkara anu mustahil kalawan sifat ilmuna,kalawan harti umpamana : Alloh uninga yen aya rencang pikeun anjeuna etateh mustahil,tur uningaeun lamun teamah ayana eta rencangteh pasti bakal terjadi kahancuran."maha bersih dat Alloh tina rencang,tur maha luhur sareng maha agung Alloh"
Ta'aluq kontakna sifat ilmu (ta'aluq ta'diyahna)ngan hiji,nyaeta tanjizi qodim wungkul.atuh uningana Alloh kana sakabeh anu geus dicaritakeun tadi (wajib,jaiz,jeung mustahilul wujud)teh ti azali mula,kalawan panguninga anu sampurna,tegesna lain atas dasar don (sangka) atawa syak (mang-mang),sabab ari don jeung syakmah duanana oge mustahil pikeun Alloh.
CATATAN :
- ari ilmu aya lima
1.ilmu tam
2.ilmu don
3.ilmu syak
4.ilmu wahmi
5.ilmu khoyali
- dina sifat ilmu henteu aya ta'aluq suluhi qodim,sabab lamun aya ta'aluq qodimah berarti uningana Allohteh kapiheulaan ku henteu apal da ngan saukur aya kamampuan pikeun uninga wungkul
- atuh simpulnamah ta'aluq sifat ilmu aya tilu :
1.ta'aluq ifadah (fungsi / kagunaan) inkisyaf
2.ta'aluq ta'diyah (sasaran) : kana sakabeh perkara tegesna wajibul wujud,mumkinul wujud,mustahilul wujud
3.ta'aluq tarotub (tingkatan) : ngan aya hiji nyaeta ta'aluq tanjizi qodim wungkul ,hartina : uningana Alloh kana sakabeh perkara ti azali mula.
قَوْلُهُ : وَمَعْنَی قَوْلِهِمْ مِنْ غَيْرِ سَبْقِ خَفَاءٍ
Maksud dina bahasa "uningana Alloh henteu kapiheulaan ku samar" teh nyaeta : uningana Alloh kana sakabeh perkara ti azali mula eta henteu aya mimitina,lain mimitina Alloh henteu apal heula tuluy apal.beda jeung kanyahona mahluq,da ari kanyahona mahluqmah mimitina henteu apal tuluy apal.
قَوْلُهُ : وَلَيْسَ لِلْعِلْمِ تَعَلُّقُ صُلُوْحِی
Pangna dina sifat ilmu henteu aya ta'aluq suluhi sabab ari ta'aluq suluhimah lulus/mampuna Alloh kalawan sifat elmu pikeun ngabukakeun (ngainkisaf) kana hiji perkara,atuh ari ngan saukur kamampuanmah seolah-olah henteu uninga (henteu ka inkisaf),sedengkeun ari ngainkisafna henteu secara buktimah etateh bodo tea sabab anjeuna bukti aya kanyaho.CATATAN :
- kulantaran sasaranana sifat ilmuteh kana sakabeh perkara (wajib,jaiz,mustahil)sedengkeun ari sasaranana sifat qudrot jeung irodat mah kana anu mumkin / jaiz wungkul.atuh ayat
إِنَّ اللّٰهَ عَلَی كُلِّ شَيْءٍ عَلِيْمٌ
Jeung ayat
"إِنَّ اللّٰهَ عَلَی كُلِّ شَيْءٍ قَدِيْرٌ"
Etateh beda.tegesna ari شَيْءٍ عَلِيْمٌ mah eusina wajibul wujud,mumkin / jaizul wujud,mustahilul wujud
Ari شَيْءٍ قَدِيْرٌ mah eusinateh ngan mumkinul wujud wungkul.
- dimana-mana jalma geus karanjingan ku sifat ilmuna Alloh,maka imana eta jalmateh "ilmul yaqin (maqom muroqobah)".ari imana jalma anu geus karanjingan ku sifat qudrot jeung iroatna Allohmah nyaeta "iman haqul yaqin (maqom musahadah)" anu geus nepi kana ma'rifat wali Alloh.
الصِّفَةُ الْعَاشِرَةُ الْوَاجِبَةُ لَهُ تَعَالَی الْحَيَاةُ
Sifat hayat kaasup kana sifat ma'ani,atuh ieuteh sifat anu bangsa aya tur anu qodim (henteu aya mimitina) jeung tumetep di dat Alloh ,tegesna henteu aya tungtungna jeung henteu aya kakapeungan
قَوْلُهُ : وَهِيَ صَفَةٌ تُصَحِّحُ لِمَنْ قَامَتْ بِهٖ الإِدْرَاكُ
Ari sifat hayat nyaeta hiji sifat anu ngesahkeun pikeun hiji dat anu kaancikan ku sifat idrok,saperti sifat ilmu,sifat basor jeung sifat sama'.tapi dina buktinamah henteu setiap-tiap dat anu kasifatan ku sifat hayat eta misti kasifatan ku sifat idrok (rek di Alloh atawa di makhluq) ngan di Allohmah wajib.Tah eta sifat hayat henteu aya cumantelna (henteu nyasar) kana barang anu maojud atawa anu ma'dum,atuh eta sifat hayatteh henteu ngagaduhan ta'aluq kecuali ta'aluq ifadah (fungsi / kegunaan) wungkul.
Ta'aluq ifadah sifat hayat nyaeta pikeun لِلْتَّصْحِيحْ (ngesahkeun)
قَوْلُهُ : وَالدَّلِيْلُ عَلَی وُجُوْبِ الْقُدْرَةِ وَالإِرَادَةِ
Ari anu jadi dalil kana wajibna sifat qudrot,irodat,ilmu,jeung hayat nyaeta ayana ieu sakabeh pirang-pirang makhluq (وجود هده المخلوقات)Sabab lamun henteu aya salasahiji tina sifat anu opat ieu,pasti makhluq oge moal aya.atuh kulantaran makhluq aya maka yaqin Allohteh kasifatan ku ieu sifat anu opat tadi (kudrot,irodat,ilmu,hayat)
قَوْلُهُ : وَوَجْهُهُ تَوَقُّفُ وُجُوْدِ هَذِهِ الْمَخْلُوْقَاتِ عَلٰی هَذِهِ الْأَرْبَعَةِ
Pangna disebutkeun yen ayana ieu alamteh ngaago kana ayana sifat anu opat,jalananateh kieu :1.saestuna hiji dat anu bade ngadamel kana hiji perkara,eta moal bisa ngadamel lamun henteu terangeun kana peraktek ngadamelna (sifat ilmu)
2.saparantos terangeun kana peraktek midamelna,teras anjeuna ngamaksud (ngersakeun) bade midamel (sifat irodat)
3.saatosna ngersakeun kitu,nembe ngalaksanakeun padamelana (sifat irodat)
4.tapi intinamah,sabenerna eta kajadian anu tiluteh moal terjadi lamun dat anu bade ngadamelteh maot,atuh bisa kitu soteh lamun eta datna hirup (sifat hayat)
Atuh jelas ayana makhluqteh (anu didamel) ngadago kana ayana eta sifat anu opat.
قَوْلُهُ : وَمِنَ الْمَعْلُوْمِ إِنَّ الْفَاعِلَ لَا بُدَّ اَنْ يَكُوْنَ حَيًًّا
Mangrupakeun hiji perkara anu perlu jadi catatan husus (anu perlu dikanyahokeun) nyaeta : saestuna anu migawe (anu boga pagawean) misti kudu hirup,boga kanyaho,ngersakeun,jeung kawasa.tah etateh disebutna sifat ta'sir (sifat anu napakan),sabab ayana hasil gawe (asar) teh ngadago kana ayana eta sifat anu opat (qudrot,irodat,ilmu,hayat)Conto : ki zaed rek ngamaksud kana nyieun bala-bala,tah samemeh boga pamaksudan kituteh leuwih tiheula nyaho kana tatacara peraktek nyieun kana bala-bala,tuluy saatos nyaho kana tatacarana karek prak kana migawe nyieun bala-bala.
قَوْلُهُ : فَتَعَلُّقُ هَذِهِ الصِّفَاتُ عَلَی التَّرْتِيْبِ
Atuh kulantaran kitu,di haqna mahluqmah (hadis) ieu sifat anu opateh aya susunanana katartibanana.pangheulana berarti kudu ayana heula kanyaho kana hiji perkara (ilmu),saatosna tuluy ngamaksud (irodat),saatos kitu kakara prak migawe (qudrot),tapi anu kabeh moal bisa terjadi lamun henteu hirupmah (hayat)Anapon dina haq Allohmah eta sifat-sifat anu bieuteh henteu aya katartibanana sama sekali,sabab sadayana oge sifat anu qodim (henteu aya mimitina), anu moal aya heula pandeuri,a aya soteh heula pandeuri etamah sakadar jalan berfiqir wungkul.memang secara jalan pemikiranmah anu pangheulanateh berarti ilmu tuluy irodat tuluy qudrot,tapi anapon secara napakan jeung buktinamah dina sifat-sifat Allohteh henteu aya katartiban saperti kitu.
Atuh henteu bisa disebutkeun kieu "rek migawe hiji perkarateh cumantel kana ayana kanyaho heula (ilmu) tuluy ngamaksud (irodat) kakara prak migawe (qudrot)".sabab eta bahasateh pikeun mahluq,anapon ayana katartiban dina sifat-sifat Alloh etamah ngan sakadar jalan pemikiran urang wungkul.
CATATAN :
- Dina dalil qudrot nepika hayat tadi diluhur disebutkeun yen lamun henteu aya ieu sifat anu opat pasti moal aya mahluq.sabab lamun Alloh henteu kasifatan ku eta opat sifat pasti Allohteh apes,lamun Alloh apes pasti moal bisa barang jieun,atuh moal aya makhluk
- lamun hayang dalil khusus pikeun sifat hayatmah kieu :
Lamun Alloh henteu kasifatan ku sifat hayat (maot),tangtu Alloh moal kasifatan ku sifat qudrot,irodat,ilmu,jeung anu sejena,lamun Alloh henteu kasifatan ku eta sifat qudrot,irodat jeung ilmu tangtu moal aya alam (makhluq),sedengkeun ku urang kasaksi yen alamteh aya,atuh tetep Allohteh hirup.
الصِّفَةُ الْحَادِيَةَ عَشَرَةَ وَالثَّانِيَةَ عَشَرَةَ مِنْ صِفَاتِهِ تَعَالَی السَّمَعُ وَالْبَصَرُ
Sifat sama' sareng basor mangrupakeun sifat anu qodim (henteu aya mimitina) tur anu tumetep dina dat Alloh,tegesna ningali jeung ngaanguna Allohteh moal aya tungtungna sareng moal heuleut-heuleutan.
Cumantelna (nyasarna) eta sifat sama' sareng sifat basorteh kana sakabeh barang anu maojud,tegesna barang maojud rek anu wajib atawa jaiz duanana bisa terbuka kalawan sifat sama' sareng basor.atuh sifat sama' sareng basorteh cumantel (keuna) kana dat Alloh jeung sifat-sifatna (wajibul wujud),dina harti eta dat Alloh sareng sifat-sifatna tiasa kakuling jeung katingali ku mantena (inkisyaf/terbuka)kalawan mangrupakeun nilai tambah tina terbukana kubilmu Alloh.nyakitu deui Alloh ngadago jeung ningali kana datiah zaed,umar,jeung datiahna tembok (kana jirimna),Alloh oge ngadangu jeung ningali kana sorana.
قَوْلُهُ : فَإِنْ قُلْتَ سِمَاعُ الصَّوْتِ ظَاهِرٌ
Lamun aya jalma protes kieu : ari ngadangu kana sora etamah dohir jeung memang kaharti,tapi ari masalah ngadanguna kana jentulna ki zaed jeung kana jentulna tembok eta mah lieur / jenteu kaharti (goer dohir),nyakitu deu mikir-mikir masalah sora bisa katingali eta oge sarua lieur.sabab ari jentulmah biyasana oge katingali wungkul,nyakitu deui soramah ngan bisa kadangu wungkul.Maka pikeun jawabanana kieu : sok sanajan kitu tetep bae wajib pikeun urang sadayana ngaimankeun kanayen eta sifat sama' jeung basorteh aya hubungan jeung sasaranana kana sakabeh barang maojud,rek anu wajibul wujud atawa mumkinul wujud,sedengkeun ari ngadangu kana jentulna ki zaed jeung ningali kana sora etateh perkara anu mumkinul wujud.anapon ari cara hubungananamah urang henteu kudu terang,atuh urang moal terang kana kumaha cara nyambung / naaluqna ngadangu Alloh kana datiah zaed.
Ari anu dimaksud ngadangu didieu lain ngadanguna Alloh kana leumpangna ki zaed,saba ari ngadangu kana kekeresekna leumpangmah termasuk kana ngadangu sora,da memang Alloh ngadangu kana sora.tapi anu dimaksud didieumah ngadanguna Alloh kana dat sareng jatining datna ki zaed,sebagai pangleuwih tina ngadanguna Alloh kana dak-dek-dokna leumpang ki zaed.
tah urangmah henteu kudu apal kana kumaha cara nyambungna pangdangu Alloh kana dat zaed,pan aya katerangan "لِأَنَّ الْعَجْزَ عَنِ الإدْرَاكِ إِدْرَاكٌ" hartosna : saestuna henteu bisa manggihkeun (henteu bisa ngarti) etateh manggihkeun (ngarti)tea.
قَوْلُهُ : وَالدَّلِيْلُ عَلَی السَّمْعِ وَالْبَصَرِ قَوْلُهُ تَعَالَی
Ari dalil naqlina sifat sama' jeung basor nyaeta dawuhan Alloh ta'ala,ayat إِنَّ اللّٰهَ سَمِيْعٌ بَصِيْرٌAnapon dalil aqlinamah :
- lamun Alloh henteu kasifatan ku sifat sama' jeung basor (Alloh kasifatan ku sifat kakurangan)
- sedengkeun mustahil Alloh kasifatan kusifat kakurangan
- atuh wajib Alloh kasifatan ku sifat sama' jeung bashor
قَوْلُهُ : وَاعْلَمْ أَنَّ تَعَلُّقَ السَّمْعِ وَالْبَصَرِ
Ta'aluq tarotubna (kontakna) sifat sama jeung basor lamun dinisbatkeun kana barang anu hawadia aya dua :1.ta'aluq suluhi qodim : Alloh ngadangu sareng ningali ka makhluq dina samemeh wujudna makhluq
2.ta'aluq tanjizi hadis : Alloh ngadangu jeung ningali ka makhluq dina saba'da wujudna makhluq kalawan pangleuwih tina panguninga Alloh (inkisyaf ilmu)
Tapi lamun dinisbatkeun kana dat jeung sifat Allohmah ta'aluq tarotubna sifat sama' jeung basorteh ngan hiji,nyaeta ta'aluq tanjizi qodim : Alloh ngadangu sareng ningali kana dat anjeuna sareng kana sifat-sifatna anu bangsa aya ku sifat sama' jeung basorna.
Atuh jumlah ta'aluqna sifat sama' jeung basorteh aya tilu :
1.tanjizi qodim
2.suluhi qodim
3.tanjizi hadis
Pendapat anu tadi anu ngajelaskeun yen sifat sama' jeung basorteh aya ta'aluqna kana sakabeh barang anu maojud,tah ieuteh pendapatna syeikh Sanusi,anu mana ieuteh pendapat anu kuat.
قَوْلُهُ : قِيْلَ أَنَّ السَّمْعَ وَالْبَصَرَ لَا يَتَعَلَّقَ
Tapi menurut hiji qaolmah : ari pangdangu Alloh nyasarna kana perkara anu sok di dangu (sora),nyakitu deui paningalina Alloh wungkul nyasar kana perkara anu sok ditingali.Atuh Allohteh henteu tiyasa ngadangu kana datiah,jeung henteu tiasa ningali kana sora.
CATATAN :
Bahasa pendapat anu bieu sapalih ulama ngajelaskeun kana ayana dua kamungkinan :
1.mungkin maksudna "مسموعات" didinya sadaya anu sok di dangu mungguh Alloh,atuh ari kitumah sami sareng pendapat imam Sanusi anu tadi
2.mungkin bae " مسموعات" ceuk adat,tah lamun anu ieumah beda jeung pendapat imam Sanusi.
قَوْلُهُ : وَسَمْعُ اللّٰهِ تَعَالَی لَيْسَ بِأُذُنٍ
Ngupingna Alloh sanes ku cepil jeung sanes ku liang cepil,ningalina Alloh sanes ku hideung panon (retina) jeung sanes ku biwir panon."maha bersih Alloh tina sifat-sifat anu saperti kitu"Ta'aluq sifat sama' jeung basor aya tilu :
1.ta'aluq ifadah (fungsi / gunana) : Lil inkisyaf
2.ta'aluq ta'diyah (sasaranana) : kana barang anu maojudat (wajibat jeung jaizat)
3.ta'aluq tarotub (tingkatanana) aya tilu :
- tanjizi qodim : kana dat sareng sifat Alloh
- suluhi qodim : ka makhluq samemeh maojud
- tanjizi hadis : ka makhluq saba'da maojud
الصِّفَةُ الثَّالِثَةَ عَشَرَ مِنْ صِفَاتِهِ تَعَالَی الْكَلَامُ
Sifat anu wajib di Alloh nomber ka tilu belasna nyaeta sifat kalam (ngadawuh Alloh).
Kalam Alloh beda jeung kalamna hawadis,sabab ari kalam Allohmah hiji sifat anu qodim,anu henteu aya mimiti jeung tung-tungna,anu tumetep dina dat Alloh,anu henteu aya huruf jeung soraan tur henteu aya baris jeung mabnian.
قَوْلُهُ : وَلَيْسَ الْمُرَادُ بِكَلَامِهِ تَعَالَی الْوَاجِبُ لَهُ تَعَالَی
Ari anu dimaksud ku kalam anu wajib di Alloh eta lain "أَلْفَظُ الشَّرِيْفَةْ (Al-Qur'an) " anu dilungsurkeun ka kanjeng nabi muhammad SAW,sabab ari أَلْفَظُ الشَّرِيْفَة mah anyar tur ngurung kana ayana heula pandeuri,baris,surat jeung pirang-pirang ayat.sedengkeun ari sifat kalam anu tumetep ayana dina dat Allohmah qodim tur kosong tina sifat-sifat anu tadi,atuh moal aya ayat,surat,jeung moal aya i'roban.
قَوْلُهُ : وَلَيْيَتْ هَذِهِ الأَلْفَاظُ الشَّرِيْفَةِ دَالَّةٌ
Ieu أَلْفَظُ الشَّرِيْفَة henteu nuduhkeun kana sifat kalam teh qodim,dina harti eta sifat kalam Alloh anu qodimteh bisa di paham kupedah aya أَلْفَظُ الشَّرِيْفَة , balikta perkara anu di paham ku أَلْفَظُ الشَّرِيْفَة ngakuran kana anu di paham ku sifat kalam anu qodim, da lamun dibuka hijabmah urang pasti bisa ningali kana eta sifat kalam anu qodim.CATATAN :
- Numutkeun sapalih ulama ayana bahasa Alfadu syarifah nuduhkeun kana kalam qodimteh maksudnamah,yen eta sifat anu qodimteh lain meunang maham tina Alfadu syarifah,tapi ieu Alfadu syarifahteh nuduhkeun kana madlulna sifat qodim.kulantaran kitu
(1) aya bahasa kalam dal : nyaeta Alfadu syarifah
(2) aya bahasa kalam madlul : nyaeta sifat anu qodim anu aya di dat Alloh.
Menurut pendapat hiji ulama deuimah bahasa Alfadu syarifah nuduhkeun kana kalam qodim,memang maksudnamah lain yen eta sifat qosimteh meunang maham tina Alfadu syarifah,tapi eta Alfadu syarifah nuduhkeun kana sifat qodim kalawan " دلالة عقلية إلتزامية " dina harti,samangsa-mangsa aya kalam dal (Alfadu syarifah) pasti aya kalam madlul (Sifat qodim),sabab sakabeh anu boga akal bisa nyebutkeun yen ayana kalam lafditeh disarandekeun kana ayana kalam nafsi.
- atuh kulantaran kitu Alfadu syarifah oge tetep disebut kalam Alloh (sabab moal aya anu adil kajaba kitu),ngan ari Alfadu syarifahmah disebutna kalam dal (anu hadis),ari sifat qodimah disebutna kalam madlul (anu qodim).
قَوْلُهُ : فَحَاصِلُهُ أَنَّ أَنَّ أَلْفَظَ هٰذِهِ تَدُلُّ عَلَی مَعْنًی
Atuh simpulnamah kieu bae :ieu Alfadu syarifahteh ngagaduhan ma'na,tah ma'nana ieu Alfadu syarifahteh sami sareng ma'nana kalam qodim (sami meunang maham tina kalam qodim)Awas kahade sing sungguh-sungguh dina ngabedakeunana,sabab seueur pisan anu kasalahan.
قَوْلُهُ : وَيُسَمَّی كُلُّ مِنَ الصِّفَةِ الْقَدِيْمَةِ
Eta sifatul qodimah jeung Alfadu syarifah duanana oge bisa disebut Al-Qur'an jeung bisa disebut kalam Alloh.ngan pedah ari sifat qodimah lain makhluq / henteu hadis,ari alfadu syarifahmah hadis / makhluq (anu didamel),ditulis dina lauhil mahfud,dilungsurkeun ku malaikat jibril ka kanjeng nabi dina saba'da dilungsurkeun ka Baetul izah,jeung diserat kana mashaf (lembaran),teras disimpen dina eta baetul izah dina peutingan lailatul qodarCATATAN :
- Ari Baetul izah nyaeta hiji tempat anu aya di langit ka opat (tempat ayana bulan)
- Anu dimaksud ku Alfadu syarifah nyaeta kalam Alloh anu dal,tegesna Al-Qur'an
قَوْلُهُ : قِيْلَ نُزِلَتْ فِی بَيْتِ العِزَّةِ دَفْعَةً وَاحِدَةً
- masalah turuna Al-Qur'an ka Baetul izah terjadi ikhtilaf :1.Al-Qur'an diturunkeun ka Baetul izah secara sakaligus dina wengi lailatul qodar
2. Al-Qur'an diturunkeun ka Baetul izah secara ditungtut tiap-tiap taun sakumaha anu terjadi dina eta tahun,tegesna henteu disakaliguskeun.
- Masalah turuna Al-Qur'an ti Baetul izah ka kanjeng nabi oge terjadi ikhtilaf :
1.ceuk hiji qaol 20 tahun
2. ceuk hiji qaol 23 tahun
3. ceuk hiji qaol deuimah 26 tahun
قَوْلُهُ : وَالَّذِيْ نُزِّلَ عَلَيْهِ ﷺ اللَّفْظُ
Menanggapi naha ari Al-Qur'an di turunkeun ka kanjeng nabiteh lafad jeung ma'nana atawa ma'nana wungkul..? Maka aya dua pendapat :1.Ceuk ulama tahqiq : Al-Qur'an di turunkeun ka kanjeng nabiteh lafadna jeung ma'nana
2.Ceuk hiji qil : Al-Qur'an di turunkeun ka kanjeng nabiteh ma'nana wungkul,ngan anu berpendapat kana ieu qaol eta oge ikhtilaf
1).Al-Qur'an anu diturunkeun ma'nana wungkul ka kanjeng nabi dibahasakeunateh ku lafad-lafadna kanjeng nabi
2). Al-Qur'an anu diturunkeun ma'nana wungkul ka kanjeng nabi,dibahasakeunateh ku lafad-lafadna malaikat jibril.
قَوْلُهُ : فَالصِّفَةُ الْقَائِمَةُ بِذَتِهِ تَعَلٰی
Sifat kalam anu tumetep di dat Alloh ta'ala eta sifat kalam anu qodim,tegesna henteu aya mimitina,henteu aya tung-tungna,henteu heuleut-heuleutan,tur henteu aya hurufan jeung henteu aya soraan.
قَوْلُهُ : وَاسْتَشْكَلَ الْمُعْتَزِلَةُ وُجُوْدَ كَلَامٍ مِنْ غَيْرِ حُرُوْفٍ
Golongan mu'tajilah ngarasa kasulitan dina narima ayana ucapan tanpa ayana huruf,sehingga tetep mutuskeun kana hukum moal ayana omongan tanpa sora,moal ayana ucapan tanpa ayana huruf (henteu narima kana ayana kalam nafsi)Eta pendapat mu'tazilahteh di tantang deui ku ahli sunah.ceuk ahli sunah aya omongan kalawan henteu aya huruf jeung soraan,nyaeta omongan hate (omongan jalma dina jero hate),bahkan hakekatna omonganmah dina jero hate da ari lisanmah ngan saukur nuduhkeun kana ieu hate,buktina omongan letah (lisan) henteu sarua jeung tumbuan hate anu di ucapkeun anu dina jero hate.sakumaha kasauran seh اخطل :
إِنَّ الْكَلاَمَ لَفِی الْفُؤَادِ وَإِنَّمَا ۞ جُعِلَ اللِّسَانُ عَلَی الْفُؤَادِ دَلِيْلًا
حَقَيْقَةْ اَوْمَوْغَانْ نَا هَتَیْ جٓغْ ۞ لَيْتَهْ مَهْ كَدَارْ نُدُوهْكٓنْ كَانَ آسِی هَاتَيْنَا سَأَيسْتُونَا
قَوْلُهُ : وَلَيْسَ مُرَادُ اَهْلِ السُّنَّةِ تَشْبِيْهُ كَلَامِهِ تَعَالَی
Ku ayana conto hadisu nafsi (omongan hate),lain berarti yen ahli sunnah nyarupakeun kalam Alloh jeung hadisunafsi,ds ari kalam Allohmah qodim sedengkeun hadisun nafsimah hadis (anyar) tapi ieumah ngan sakadar ngadebat kana pendapatna mu'tazilah anu netelakeun moal aya caritaan tanpa ayana huruf jeung sora.
قَوْلُهُ : وَدَلِيْلُ وُجُوْبِ الْكَلَامِ لَهُ تَعَالَی
Ari dalil kana wajibna sifat kalam di dat Alloh nyaeta :1.dalil aqli : lamun Alloh pireu tangtu Alloh henteu sampurna (kasifatan ku sifat kakurangan),sedengkeun mustahil Alloh henteu sampurna,atuh wajib ayana sifat kalam di gusti Alloh.
2.dalil naqli : dawuhan Alloh وَكَلَّمَ اللّٰهُ مُوْسَی تَكْلِيْمًا
قَوْلُهُ : وَالْكَلَامُ يَتَعَلَّقُ بِمَا يَتَعَلَّقُ بِهِ الْعِلْمُ
Ari ta'aluqna sifat kalam eta sami sareng ta'aluqna sifat ilmu,tegesna ta'aluq ta'diahna (sasaranana) kana barang anu wajibat,jaizat jeung mustahilat.tapi dina ta'aluq ifadahna (fungsina) sifat ilmumah pikeun inkisaf (sakabeh perkara narima terbuka) kalawan sifat ilmuna,sedengkeun dina ta'aluq ifadahna kalamah ta'aluq dilalah,anu lamun urang dibuka hijab jeung tiasa nguping kana eta kalam qodim,maka urang bakal ngarti kana eta kalam Alloh langsung ti gusti Alloh.KESIMPULAN :
- kalam aya dua :
1.kalam dal : Alfadu syarifah / al-qur'an
2.kalam madlul : sifat qodim
- kalam dalmah hadis,kalam madlulmah qodim
- kalam dal jeung kalam madlul duanana sok disebut al-qur'an jeung disebut kalam Alloh
- ta'aluq sifat kalam aya tilu :
1.ta'aluq ifadah : pikeun nuduhkeun (Liddilalah)
2.ta'aluq ta'diyah : الأشياء (wajibat,jaizat,mustahilat)
3.ta'aluq tarotubna aya tilu :
* tanjizi qodim : ta'aluqna sifat kalam kana salianti amar jeung nahyi
* sulihi qodim : ta'aluqna sifat kalam kana amar jeung nahyi samemeh aya muhotob
* tanjizi hadis : ta'aluqna sifat kalam kana amar jeung nahyi saba'da ayana muhotob
- penjelasan ta'aluq tarotub aya dina syarahna
CATATAN :
- Sakabeh dalil naqli dina Al-qur'an ku lafad ma'nawiahna lain ku lafad ma'anina,bisa soteh dipake dalil kana ma'ani pedah ma'animah lazimna tina ma'nawiyah.jadi lamun dina dalil naqli ma'ani nurut kana ma'nawiyah,lamun dalil aqlimah ma'nawiyah nurut kana ma'ani.
- golongan mu'tazilah berpendapat bahwa Alloh henteu ngagaduhan sifat ma'ani (termasuk sifat kalam).atuh lamun aya bahasa "Alloh ngadangu sareng ningali" maka menurut ahli sunahmah ngadanguna Alloh ku sifat sama'na jeung ningalina Alloh ku sifat basorna,menurut mu'tazilahmah ningali sareng ngadanguna Allohteh ku datna lain ku sifat sama' jeung basorna.tapi ari sifat ma'nawiyahmah ceuk mu'tazilah ohe tetep aya,tah di dieu terjadi perdebatan antara mu'tazilah jeung ahli sunah,lamun hayang apal datang bae ka kuring....! (Saur musonif)
Dalil-dalil sifat ma'ani :
1.Sifat Qudrot :
إنَّ اللّٰهَ عَلَی كُلِّ شَيْءٍ قَدِيْرٌ : البقره : ٢١
2.Sifat Irodat :
فَعَّالُ لِّمَا يُرِيْدُ : هود : ١٠٧
3.Sifat Ilmu :
وَاتَّقُوْا اللّٰهَ وَاعْلَمُوْا أَنَّ اللّٰهَ بِكُلِّ شَيْءٍ عَلِيْمٌ : البقرة : ٢٢١
4.Sifat Hayat :
اَللّٰهُ لَا إِلٰهَ إِلَّا هُوَ الْحَيُّ الْقَيُّومُ : البقرة : ٢٥٥
5.Sifat Sama' :
وَهُوَ السَّمِيْعُ الْبَصِيْرُ : الشوری : ١١
6.Sifat Bashor :
وَهُوَ السَّمِيْعُ الْبَصِيْرُ : الشوری : ١١
7.Sifat Kalam :
وَكَلَّمَ اللّٰهُ مُوْسَی تَكْلِيْمًا : النساء : ١٦٤
الصِّفَةُ الرَّابِعَةَ عَشَرَ مِنْ صِفَاتِهِ الْوَاجِبَةِ لَهُ تَعَالَی كَوْنُهُ قَادِرًا
Sifat anu nomber ka ipat belas tina anu wajib di Alloh ta'ala nyaeta sifat kaonuhu qodiron (bukti Alloh ani kawasa) lalawananana kaonuhu ajizan (bukti Alloh anu apes)
Ieu sifat kaonuhu qodironteh mangrupakeun hiji sifat anu tumetep di dat Alloh ,moal aya tung-tungna jeung moal aya heuleut-heuleutan.tur ieu sifatteh lain sifat anu bangsa aya (ma'ani) jeung lain sifat anu bangsa euweuh (salabiah),sabab lamun disebut aya da buktina anu ayamah dat Alloh jeung sifat qudrotna,lamun disebut euweuh da salagi eta sifat qudrot aya maka bahasa kaonuhu qodiron tetep aya.
قَوْلُهُ : وَهِيَ غَيْرُ الْقُدْرَةِ وَبَيْنَهُمَا وَبَيْنَ الْقُدْرَةِ تَلَازُمٌ
Sifat kaonuhu qodiron lain sifat qudrot.anapon hubunganana (nisbatna) antara kaonuhu qodiron jeung sifat qudrot etateh talazum,hartina samangsa-mangsa qudrot aya dina hiji dat maka bahasa kaonuhu qodiron moal henteu aya (pasti aya),rek dina dat anu qodim (Alloh) atawa dina dat anu hadis.(salagi aya bahasa kawasa pasti aya bahasa anu kawasa)Atuh lamun dina dat zaed diciptakeun hiji kakawasaan pikeun migawe hiji perkara,maka secara otomatis pasti ki zaed teh anu kawasa (kaonuhu qodiron)
Tah eta sifat kaonuhu qodironteh disebutna hiji tingkah (kaayaan),sedengkeun ari qudrot lamun di mahluqmah ngarana elat (sabab),anapon di dat Allohmah henteu bisa disebutkeun yen qudrot Allohteh mangrupakeun elat pikeun kaonuhu qodiron,tapi tetep bae disebutnamah BILAZIMIN (Lazim-Malzum,lain Elat-Ma'lut)
قَوْلُهُ : وَقَالَتِ الْمُعْتَزِلَةُ بِالتَّلَازُمٍ بَيْنَ قُدْرَةِ الْحَادِثِ
Menurut si mu'tazilah nisbat antara qudrot jeung kaonuhu qodiron di Alloh,dina barang anu hawadis oge akur nisbatna teh talazum,pedah mu'tazilahmah henteu nyebutkeun eta sifat kaonuhu qodironteh kenging ngadamel Alloh,balikta samangsa-mangsa Alloh ngadamel qudrot pasti kusabab eta sifat qudrot bakal timbul sifat kaonuhu qodiron kalaean tanpa didamel deui ku gusti Alloh.Atuh lamun kitumah sifat kaonuhu qodiron anu aya di makhluq teh meunang ngadamel sifat qudrot anu didamel ku Alloh.
CATATAN :
- hubungan kieu teh disebutna dilalah taokid ceuk mu'tazilahmah (dina ilmu mantiq,pasal أقسم ,bet akhir)
- tah ieu pendapat mu'tazilah hukumna musyrik,sabab neqadkeun aya deui anu bisa ngadamel (anu boga tapak damel) hiji sesuatu lianti Alloh
KESIMPULAN :
- sifat kaonuhu qodiron nepika (engke) sifat kaonuhu mutakaliman ngarana sifat ma'nawiyah,tegesna lain sifat anu bangsa aya jeung lain sifat anu bangsa euweuh.
- nisbatna antara qudrot (ma'ani) jeung kaonuhu qodiron (ma'nawiyah) aya dua pendapat :
1.saur ahli sunah : lamun di Alloh talazum (lazim-malzum) lamun di mahluqmah elat-ma'lul
2.ceuk mu'tazilah : rek di Alloh atawa di mahluq sami talazum
- saur ahli sunah : sifat qudrot jeung kaonuhu qodiron di mahluq duanana damelan Alloh
- ceuk si mu'tazilahmah : qudrot di mahluq eta damelan Alloh, kaonuhu qodironmah damelan qudrot di mahluq
الصِّفَةُ الْخَامِسَةُ عَشَرَةَ مِنْ صِفَاتِهِ الْوَاجِبَةِ لَهُ تَعَالَی كَوْنُهُ مُرِيْدً
Sifat nomber ka lima belas anu wajib di Alloh nyaeta sifaf kaonuhu muridan (bukti Alloh anu ngersakeun) lalawananana kaonuhu karihan (bukti Alloh anu kapaksa)
Ieu sifat kaonuhu muridanteh mangrupakeun hiji sifat anu tumetep di dat Alloh,moal aya tungtungna jeung moal aya heuleut-heuleutan.tur ieu sifateh lain sifat anu bangsa aya (ma'ani) jeung lain sifat anu bangsa euweuh (salabiyah),kulantaran kitu ieu sifat teh dingaranan hal (paningkah/kaayaan).
Ieu sifat kaonuhu muridan lain sifat irodat rek dina dat anu qodim (Alloh) atawa dina dat anu hadis (mahluq),pedah nisbatna ceuk ahli sunahmah lamun di dat Alloh nisbatna talazum,lamun di mahluq mah elat-ma'lut.tapi ceuk mu'tazilahmah rek di Alloh rek di mahluq duanana oge nisbatna akur talazum.
Atuh lamun Alloh ngadamel hiji pangersa di ki zaed kana barang gawe (irodat), maka pasti bakal ngadamel kana ayana ki zaed anu kersa (kaonuhu muridan).
"Masalah ihtilaf antara ahli sunah jeung mu'tazilah sami sareng masalah dina kaonuhu qodiron"
الصِّفَةُ السَّادِسَةَ عَشَرَةَ مِنْ صِفَاتِهِ تَعَالَی كَوْنُهُ تَعَالَی عَلِمًا
Sifat anu nomber ka genep belas anu wajib di Alloh nyaeta kaonuhu 'aliman (kabuktian Alloh anu uninga) lalawananana kaonuhu jahilan (kabuktian Alloh anu bodo)
Sifat kaonuhu 'aliman mangrupakeun sifat anu tumetep di dat Alloh,lain bangsa aya jeung lain bangsa euweuh.tah ieu sifat kaonuhu 'aliman lain sifat ilmu,sifat ilmu lain sifat kaonuhu 'aliman.sifat kaonuhu 'aliman aya di dat Alloh jeung di dat mahluq.
"Masalah ihtilafna sami sareng anu diluhur"
الصِّفَةُ السَّابِعَةَ عَشَرَةَ الْوَاجِبَةُ لَهُ تَعَالَی كَوْنُهُ تَعَالَی حَيًّا
Sifat nomber ka tujuh belas anu wajib di Alloh nyaeta kaonuhu hayyan (kabuktian Alloh anu hirup) lalawananana kaonuhu mayyitan (kabuktian Alloh anu maot)
Sifat kaonuhu hayyan mangrupakeun sifat anu tumetep di dat Alloh,lain bangsa aya jeung lain bangsa euweuh.tah ieu sifat kaonuhu hayyan lain sifat hayat,sifat hayat lain sifat kaonuhu hayyan.sifat kaonuhu hayyan aya di dat Alloh jeung di dat mahluq
"Sagala masalah anu aya dina sifat kaonuhu hayyan sami sareng anu diluhur"
الصِّفَةُ الثَّامِنَةَ عَشَرَةَ الْوَاجِبَةُ لَهُ تَعَالَی كَوْنُهُ تَعَالَی سَمِيْعًا
Sifat nomber ka dalapan belas anu wajib di Alloh nyaeta kaonuhu sami'an (kabuktian Alloh anu ngadangu) lalawananana kaonuhu asoma (kabuktian Alloh anu torek)
Sifat kaonuhu sami'an mangrupakeun sifat anu tumetep di dat Alloh,lain bangsa aya jeung lain bangsa euweuh.tah ieu sifat kaonuhu sami'an lain sifat sama',sifat sama' lain sifat kaonuhu sami'an.sifat kaonuhu sami'an aya di dat Alloh jeung di dat mahluq.
"Sagala masalah anu aya dina sifat kaonuhu sami'an sami sareng anu di luhur"
الصِّفَةُ التَّاسِعَةَ عَشَرَةَ الْوَاجِبَةُ لَهُ تَعَالَی كَوْنُهُ بَبِيْرًا
Sifat nomber ka salapan belas anu wajib di Alloh nyaeta kaonuhu Basiron (kabuktian Alloh anu ningali) lalawananana kaonuhu a'ma (kabuktian Alloh anu lolong)
Sifat kaonuhu basiron mangrupakeun sifat anu tumetep di dat Alloh,lain bangsa aya jeun lain bangsa euweuh.tah ieu sifat kaonuhu basiron lain sifat basor,sifat basor lain sifat kaonuhu basiron.sifat kaonuhu basiron aya di dat Alloh jeung di dat mahluq
"Sagala masalah anu aya dina sifat kaonuhu basiron sami sareng anu diluhur"
الصِّفَةُ الْعِشْرُوْنَ وَهِيَ تَمَامُ مَا يَجِبُ لَهُ تَعَالَی عَلَی التَّفْصِيْلِ وَهِيَ كَوْنُهُ تَعَالَی مُتَكَلِّمًا
Sifat nomber ka dua puluh anu mangrupakeun panungtung tina anu wajib di Alloh secara tafsili nyaeta kaonuhu mutakalliman (bukti Alloh anu ngadawuh) lalawananana kaonuhu abkama (bukti Alloh anu pireu).Sifat kaonuhu mutakalliman mangrupakeun sifat anu tumetep di dat Alloh,lain bangsa aya jeung lain bangsa euweuh.sifat kaonuhu mutakalliman lain sifat kalam,sifat kalam lain sifat kaonuhu mutakalliman
"Sagala masalahna sami sareng anu diluhur"
CATATAN :
Timimiti sifat kaonuhu qodiron nepik kaonuhu mutakalliman disebut sifat ma'nawiyah,dalil-dalilna sami sareng sifat ma'ani (timimiti kudrot nepika kalam)
قَوْلُهُ : (تَنْبِيْهٌ) مَا تَقَدَّمَ مِنَ الْقُدْرَةِ وَالْإِرَادَةِ
Peringatan...! Ari anu parantos dicaritakeun timimiti sifat qudrot nepika sifat kalam etateh sadayana disebut sifat ma'ani,anapon timimiti kaonuhu qodiron nepika kaonuhu mutakalliman etamah disebutnateh sifat ma'nawiyah,kalawan idofat 'Am kana Khos (sifat mangrupakeun 'Am,ma'ani atawa ma'nawiyah Khos,lantaran ari ma'ani jeung ma'nawiyah teh mangrupakeun sebagian tina sifat) atawa disebut idofat bayaniyah (ma'ani jeung ma'nawiyahteh sifat tea)Pangna kitu sabab eta ma'nawiyah mangrupakeun talazumna ma'ani dina anu qodim (Alloh),sedengkeun lamun di mahluqmah eta sifat ma'nawiyahteh timbul pedah ayana sifat ma'ani
قَوْلُهُ : وَزَادَ الْمَأْتُرِيْدِيَّةُ فِی صِفَاتِهِ الْمَعَانِی
Numutkeun imam Ma'turidi sifat ma'aniteh sanes tujuh tapi dalapan,anu kadalapanateh sifat takwin.sifat takwin nyaeta sifat anu bangsa aya,sahingga lamun urang dibuka hijab pasti bakal bisa ningali kana eta sifat takwin (henteu aya bedana sareng sifat-sifat ma'ani).Golongan Asyairoh ngadebat : keur naon gunana sifat takwin dina saba'da ayana sifat qudrot...?(atawa lempengnamah kieu : keur naon atuh gunana sifat qudrot lamun aya sifat takwinmah),sabab ari saur maturidiyahmah yen Allohteh ngayakeun jeung ngeuweuhkeunanateh ku sifat takwin lain ku kudrot.
قَوْلُهُ : فَأَجَابُوْا بِأَنَّ الْقُدْرَةَ تُهَيِّءُ الْمُمْكِنَ لِلْوُجُوْدِ
Maturidiyah ngajawab : oh...ari gunana sifat qudrotmah nyaeta pikeun nyawiskeun/nyiapkeun barang mumkin pikeun aya (barang mumkin anu euweuh jadi siap jeung narima pikeun aya)Asyairoh ngadebat deui : hus....ari barang mumkinmah sadayana oge narima kana pikeun aya masing henteu ditambahan ku ayana sifat takwin oge.
Ma'turidiah ngajawab deui : yeuh dengekeun...ari sifat af'al etateh qodim saperti ngahirupan,ngamaotan,ngarizkian,sedengkeun etateh ngaran-ngaran pikeun sifat takwin.kapan ari sifat takwinteh qodim,atuh jelas sifatul af'al oge qodim
Asyairoh ngadebat deui : puguh ari sifatul Af'al mah anyar,sabab etamah ngan sakadar pikeun ta'aluqna sifat qudrot.coba bae,Ihya (ngahirupan)ngaran pikeun cumantelna sifat qudrot kana anu dihirupkeun,Arrizku (ngarizkian) ngaran pikeun cumantelna qudrot kana anu di rizkian,Al-imatatu (ngamaotan) ngaran pikeun cumantelna sifat qudrot kana anu dimaotan.tah anu dicantelan ku sifat qudrot sadayana oge anyar.
KESIMPULANANA :
- menurut ma`turidiyah : sifat ma'aniteh aya dalapan ,anu kadalapanateh sifat takwin.kulantaran termasuk sifat ma'ani atuh termasuk kana sifat anu bangsa aya tur qodim.pangna aya sifat takwin sabab ari ceuk golongan ma'turidiyahmah sifatul Af'alteh qodim,sedengkeun ari sifatul af'alteh ngaran pikeun sifat takwin,atuh jelas sifat takwinteh qodim tur termasuk kana sifat ma'ani
- menurut asya'iroh : henteu aya sifat takwin (henteu termasuk kana sifat ma'ani ),sabab ari sifatul af'alteh hadis da etamah sakadar pikeun cumantelna sifat qudrot ka makhluq.kulantaran sifatul af'al teh anyar ,atuh dina dat Allohmah henteu aya sifat takwin.
وَمِنَ الْخَمْسِيْنَ عِشْرُوْنَ أَضْدَادِ هَدِهِ الْعِشْرِيْنَ
Diantara aqidah anu lima puluh,aya dua puluh sifat lalawananana anu wajib di Alloh,tegesna sifat-sifat anu mustahil di Alloh :
1.'Adam (euweuh) lalawanan Wujud
2.Hudus (anyar) lalawanan Qidam
3.Fana (ruksak) lalawanan Baqo
4.Mumasalah lilhawadis (nyarupaan kanu anyar) lalawanan Muholafah lilhawadis
Mustahil pikeun Alloh nyarupaan ka makhluq,maka Alloh moal kasifatan ku sifat-sifat Makhluq,saperti zaman,tempat,usik,cicing,warna,jihat,jeung sajabana.
Bahasa jalma awam "إِنِّی تَحْتَ اللّه" ari kuring handapeun Alloh,tah eta bahasateh ditolak,anu lamun dicaritakeun etateh matak kafir pikeun jalma anu ngomongkeunana bari dibarengan ku hate.
5.Ihtiyaj (butuh kana tempat jeung kanu nangtukeun) lalawanan Qiyamuhu binafsih
6.Ta'adud (aya rangkep jeung bandingan pikeun dat jeung sifat Alloh,aya bandingan pikeun af'al Alloh) lalawanan Wahdaniyat
7.Al-ajzu (apes) lalawanan Qudrot
8.Al-karohah (kapaksa (lain kahayangna) lalawanan Irodat ,atuh ayana sakabeh mumkinat etateh ku pangersa sareng pamilihna dat Alloh
قَوْلُهُ : وَيُؤْخَدُ مِنْ وُجُوْبِ الإِرَادَةِ لَهُ تَعَالَی
Ku ayana Alloh kasifatan ku sifat Irodat,maka bisa ditarik kesimpulan bahwa ayana makhluqteh lain kuperjalanan elat atawa tobe'at (watek),sabab lamun ayana makhluq ku perjalanan elat atawa tobe'at pasti mahluqteh qodim,maka moal aya hubunganana jeung sifat irodat,nyakitu deui bedana antara elat jeung tobe'at.1.elat : ayana hiji perkara ku jalan elat eta henteu nhadago kana ayana elat heula samemehna,tegesna samangsa-mangsa aya elat pasti aya eta perkara (anu di elatanana).conto saperti usikna ramo jadi elat kana usikna ali.
2.tobe'at : ayana hiji perkara kujalan tobe'atmah ngadago kana ayana sarat jeung euweuhna anu nyegah.conto saperti seuneu bisa ngaduruk suluh lamun eta suluhna diantelkeun bari henteu baseuh
- menurut kafir tobi'iyah : seuneu nagduruk (nutungkeun) ku watekna eta seuneu (ku soranganana)
- menurut ahli sunnah (الحق) : tutungna suluh tapak damel Alloh nalika antelna kana seuneu,henteu beda saperti usikna ali etateh tapak damel Alloh nalika diusikeuna ramo.atuh lamun kitumah boh elat atawa tobe'at henteu boga tapak damel.maka mustahil pikeun Alloh jadi elat kana ayana makhluq (ayana mahluq saba'da elat ayana Alloh) atawa jadi tobe'at kana ayana mahluq (Alloh nyiptakeun mahluq ku tobe'atna)
9.Al-jahlu (bodo/henteu nyaho) lalawanan 'Alam.maksud jahlu didieu rek jahlu بسيط (henteu aya kanyaho pisan kana hiji perkara) atawa jahal مركب (ngayakinkeun kana hiji perkara bari sulaya tina buktina).atuh mustahil Allohteh poho atawa bodo.
10.Al-maotu (maot) lalawanan hayat
11.As-somam (torek) lalawanan Sama'
12.Al-Umyu (lolong) lalawanan Basor
13.Al-hirsu (pireu) lalawanan kalam
14.kaonuhu Ajizan (bukti Alloh apes) lalawanan kaonuhu qodiron
15.kaonuhu Karihan (bukti Alloh kapaksa) lalawanan kaonuhu muridan
16.kaonuhu Jahilan (bukti Alloh bodo) lalawanan kaonuhu aliman
17.kaonuhu Mayyitan (bukti Alloh maot) lalawanan kaonuhu hayyan
18.kaonuhu Asoma (bukti Alloh torek) lalawanan kaonuhu sami'an
19.kaonuhu A'ma (bukti Alloh lolong) lalawanan kaonuhu basiron
20.kaonuhu Abkama (bukti Alloh pireu) lalawanan kaonuhu mutakalliman
قَوْلُهُ : وَاعْلَمْ أَنَّ دَلِيْلَ كُلِّ وَاحِدٍ مِنَ الْعِشْرِيْنَ
Perlu dikanyahokwun bahwa :1.dalil sifat anu wajib di Alloh anu dua puluh etateh netepkeun kana ayana eta sifat jeung ngeuweuhkeun kana lalawananana eta sifat.
2.dalil-dalil dina sifat ma'ani anu tujuh eta oge jadi dalil dina sifat ma'nawiyah
3.ieu aqidah anu opat puluh,tegesna dua puluh anu wajib ayana di Alloh jeung anu wajib euweuhna (mustahil) dua puluh.ditambahan ku dua puluh dalil-dalil ijmali,tiap-tiap dalil netepkeun kana sifat Alloh jeung ngeuweuhkeun kana lalawananana
قَوْلُهُ : (تَنْبِيهٌ) قَالَ بَعْضُهُمْ : الأَشْيَاءُ اَرْبَعَةٌ
Numutkeun sapalih ulama, الأَشْيَاءُ teh sadayana aya opat :1.barang aya (موجودات),conto saperti dat ki zaed
2.barang euweuh (معدومات),conto saperti budak samemeh di ciptakeun
3.tingkah (حال),conto saperti kabuktian anu kawasa
4.rekenan/babahasaan (اعتبار),cinto saperti tumetepna nangtung di ki zaed
Tah ieu pendapateh diserat ku Imam Sanusi dina Kitab Sugro
Imam sanusi dina kitab Sugro oge netepkeun kana ayana hal jeung ngajadikeun sadaya sifat anu wajib di Alloh aya dua puluh.
قَوْلُهُ : وَجَرَی فِی غَيْرِهَا عَلَی نَفْيِ الْأحْوَالِ
Numutkeun pendepat qaol haq anu dijalankeun ku Imam Sanusi dina lianti kitab Sugro,yen hal teh henteu aya.atuh الأَشْيَاءُ teh sadayana aya tilu :1.Maojudat
2.Ma'dumat
3.I'tibarot.
Tina kulantaran kitu atuh sifat anu wajib di Allohteh sadayana aya tilu belas,sabab dicandak ku sifat ma'nawiyah anu kaasup kana hal anu jumlahna aya tujuh.lamun sifat anu wajib di Alloh aya tilubelas atuh sifat anu mustahil oge tilu belas (da di candak tujuh anu ngalawanan kana sifat ma'nawiyah),tapi ieu sifat anu wajib di Alloh tilu belas soteh lamun wujudna direken sifat.tah ieu teh pendapat goer Asyari.
قَوْلُهُ : وَأَمَّا عَلَی رَأَی الأَشْعَارِيُّ فَالْوُجُوْدُ عَيْنُ الْمَوْجُوْدِ
Numutkeun pendapat Asyarimah : wujudna Allohteh hakeketna dat Alloh anu henteu kaasup kana sifat.atuh (pendapat imam Asyari) sifat anu wajib di Allohteh sadayana aya 12,tegesna sifat salabiyah jeung sifat ma'ani wungkul (henteu aya sifat nafsiyah jeung ma'nawiyah),sabab aya soteh ma'nawiyah etamah ceuk pendapat anu netepkeun kana ayana hal / tingkah.tah anu dua belasteh nyaeta timimiti sifat qodim nepika sifat kalam,tapi dina sifat qiyamuhu binafsih sok dibahasakeun ku sifat استغناء المطلقTapi numutkeun qaol hakmah lain kitu...lamun hayang apal kana sifat-sifat anu wajib di Alloh teh kantun nyokot mustaqna bae tina sifat-sifat anu tadi disebutan.conto sifat maojudat meunang nyokot tina wujud,sifat qodim tina qidam,qodiron tina qudrot,jeung satuluyna.
قَوْلُهُ : وَاعْلَمْ اَنَّ بَعْضَ الأَشْيَاخِ فَرَّقَ بَيْنَ الْأَحْوَالِ وَالْإِْتِبَارَاتِ
Numutkeun sapalih guru-guru : antara ahwal jeung i'tibarteh aya titik perbedaana,sok sanajan aya titik persamaanana- Persamaana : ari hal jeung i'tibar eta mangrupakeun hiji perkara anu lain barang maojudat jeung lain barang anu ma'dumat
- perbedaana : ari halmah aya ta'aluq jeung ngancik dina dat,ari i'tibarmah henteu aya taalukan kana dat.
Numutkeun hiji qaolmah i'tibarteh sok nyata (tumetep) dina lian hate.tah ieu qaolteh didebat ,kieu debatanateh :
Ari i'tibar etateh sifat,lamun diperkirakeun i'tibar henteu aya taaluqna kana dat jeung henteu tumetep dina hate,dimana atuh maosufna...? Sedengkeun ari sifat henteu bisa gular-goler sorangan tanpa aya dat anu disifatanana (dimana-mana aya sifat pasti aya anu disifatanana)
قَوْلُهُ : فَالْحَقُّ أَنَّ الْإِعْتِبَارَاتِ لَا تَحَقَّقَ لَهَا
Numutkeun kaol haq,i'tibarmah henteu bisa tumetep terkecuali dina hateI'tibar aya dua :
1.i'tibar اِخْتِرَاعِی :
الذی لا أصل له فی الوجود
(I'tibar anu henteu aya tidituna).saperti ngira-ngirakeun tina bageuran jadi koret,tina bodo jadi pinter2.i'tibar اِنْتِزَاعِی :
الذی له أصل فی الخارج
(I'tibar anu aya asalna dina buktina).conto saperti tumetepna nangtung di ki zaed (ثبوت القيام لزيد) etateh meunang nyokot tina ucapan "ari ki zaed eta anu nangtung" bari aya bahasateh akur jeung buktina.
الْعَقِيْدَةُ الْحَدِيَةَ وَالْأَرْبَعُوْنَ الجَائِزُ فِی حَقِّهِ تَعَالٰی
Wajib ditekadkeun ku sakabeh mukalaf,bahwa wenang pikeun Alloh ngadamel atawa tinggal ngadamelna barang anu mumkin.conto jaiz / wenang Alloh ngadamel hade jeung goreng (ninggalkeun ngadamel hade),atuh wenang pikeun Alloh ngadamel islam ka ki zaed jeung ngadamel kafir ka ki umar,nyakitu deui wenang Alloh ngadamel pinter jeung bodo.jeung deui wajib diteqadkeun ku sakabeh jalma mukalaf ,kana yen hade jeung gorengna sakabeh perkara etateh ku Alloh kalawan kodo sareng kodarna
قَوْلُهُ : وَاخْتَلَفَ فِی مَعْنَی الْقَضَاءِ وَالْقَدَرِ
Dina ngama'naan qodo jeung qodar terjadi sababaraha qaol / pendapat :1.ceuk qaol kahiji : ari ngaran qodo nyaeta Irodatna Alloh anu taaluqna ti azali mula.ari ngaran qodar nyaeta ngayakeunana Alloh bari ngakuran sareng irodatna Alloh (hasil damel Alloh kalawan sifat qudrot)0
Atuh ngersakeunana Alloh ka anjeun kana pinter atawa bodo ti azali mula,eta ngarana qodo.sedengkeun ari ngayakeunana pinter atawa bodo dina saba'da anjeun geus aya kalawan akur sareng pangersana Alloh ti azali,eta ngarana qodar.
2.ceuk hiji qil : ngaran qodoteh panguningana Alloh anu sasarana ka sakabeh anu dikanyahokeun (معلومات).ari ngaran qodarmah nyaeta ngayakeunana Alloh kana sagala perkara bari akur sareng panguningana Alloh
Atuh uningana Alloh kana nyieun hiji jalma bakal jadi ti azali mula,eta ngarana qodo.anapon ari ayana pantar di hiji jalma dina saba'dana aya,etamah ngarana qodar.
KESIMPULAN :
- Dua qil diluhur sapendapat yen qodoteh qodim,sabab rek irodat atawa ilmu duanana oge sifat Alloh
- nyakitu deui (sapendapat) yen qodarteh hadis,sabab ari ijad (ngayakeun) teh taaluqna qudrot,sedengkeun ari ta'aluqna qudroteh anyar
قَوْلُهُ : وَالدَّلِيْلُ عَلَی أَنَّ الْمُمْكِنَاتِ جَائِزَةٌ فِی حَقِّهِ تَعَالَی
Ari dalil aqlina nyieun sakabeh anu mumkin (rek didamel atawa tinggalna ngadamel) teh wenang (jaizat) dina haqna Alloh nyaeta :- lamun Alloh wajib ngadamel barang anu mumkin , tangtu bakal tibalik anu asalna jaiz jadi wajib
- lamun Alloh narima kacegah tina ngadamel barang mumkin,eta oge tangtu bakal tibalik anu asalna jaiz jadi mustahil.
- sedengkeun ari terbalikna jaiz jadi wajib atawa jadi mustahil etateh batal.
- atuh eta anu mumkinteh pikeun Allohmah jenteu wajib henteu mustahil (jaiz)
Dalil naqlina sifat anu wenang di Alloh nyaeta :
إِنْ يَّشَأْ يُذْهِبْكُمْ وَيَأْتِ بِخَلْقٍ جَدِيْدٍ : ابراهيم : ١٩
قَوْلُهُ : خِلَافًا لِلْمُعْتَزِلَةِ فِی قَوْلِهِمْ إِنَّ اللّٰهَ تَعَالَی يَجِبُ عَلَيْهِ
Numutkeun mu'tazilah : Allohteh wajib ngadamel maslahat ka hambana.tah ieu pendapateh lacut / ngabohong,da ari ngadamelna Alloh kana ayana iman,atawa pinter atawa rizki di ki zaed,etamah estu ku karunia Alloh lain pedah wajib.
قَوْلُهُ : وَمِمَّا يُرَدُّ عَلِی الْمُعْتَزِلَةِ
Diantara anu bisa ngadebat kana omongana si mu'tajilah (anu bohong) teh kieu :bangsa barudak leutik kakeunaan ku pilara jeung panyakit,atuh dina diri eta budak henteu aya kamaslahatan,sedengkeun lamun Alloh wajib ngadamel maslahat,pasti eta budak moal gering.padahal si mu'tajilah geus nyarita "ari Alloh moal ninggalkeun perkara anu wajib (nyieun maslahat),sabab ari ninggalkeun perkara anu wajibteh jadi kakurangan ka Alloh sedengkeun Alloh maha bersih tina sifat kakurangan"
قَوْلُهُ : وَإِثْبَاتُهُ تَعَالَی لِلْمُطِيْعِ فَضْلٌ مِنْهُ
Ari ngaganjarna Alloh ka jalma anu to'at etateh ku karuniana Alloh,sedengkeun ari nyiksana Alloh ka jalma anu ma'siat etamah ku adilna Alloh.tegesna ngaganjar jeung nyiksana Alloh lain kupedah to'at jeung ma'siatna eta jalma,sabab to'at jeung ma'siat moal matak ngamanfaatkeun jeung moal ngamadaratkeun ka gusti Alloh (juatru Alloh anu mere manfaat jeung madaratmah),sedengkeun ari to'at jeung ma'siat mah mangrupakeun hiji ciri kana yen jalma anu kasifatan ku eta sifat bakal diganjar jeung bakal disiksa ku gusti Alloh.Atuh sing saha jalma anu dikersakeun rek gawe deuheus maka ku Alloh bakal dipaparin to'at,jeung sing saha jalma anu dikersakeun rek dihinakeun jeung dijauhkeun maka bakal dijieun ma'siat di eta jalma.
Kulantaran kitu,atuh sakabeh perkara oge rek anu hade atawa anu goreng etateh padamelan Alloh,sabab Allohteh anu ngadamel hiji hamba jeung sakabeh pagaweanana"وَاللّٰهُ خَلَقَكُمْ وَمَا تَعْمَلُوْنَ"
وَمِمَّا يَجِبُ اعْتِقَادُهُ أَنَّ اللّٰهَ تَعَالَی
Numutkeun mu'tazilah,mustahil Alloh bisa katingali.tah ieu qaolteh mangrupakeun pateqadan anu lacut tur batal.
CATATAN :
Dalil naqli jaizna ningali Alloh :
وَجُوْهٌ يَوْمَئِذٍ نَاظِرَةٌ()إِلَی رَبِّهَا نَاظِرَةٌ
قَوْلُهُ : وَمِنْ عَقَائِدِهِمْ الْفَاسِدَةِ أَيْضًا
Masih tina aqidah anu ruksak / lacut (batal) :- aqidah qodariyah : hiji hamba bisa ngadamel kana pagawean dirina ku qudrot manehna (tapak hasil kabisana)
Atuh eta pagaweanteh lain tapak damel Alloh,tapi tapak damel pagaweanana,da lamun manehna henteu migawe mah moal terjadi.
- aqidah jabariyah : hiji hamba dipaksa ku Alloh pikeun migawe hiji perkara.
Atuh henteu kudu usaha gawe,da engke oge bakal dikersakeun ku gusti Alloh.
قَوْلُهُ : وَالْحَقُّ أَنَّ الْعَبْدَ لَا يَخْلُقُ أَفْعَالَ نَفْسِهِ وَلَيْسَ مَجْبُوْرًا
Menurut qaol haq (anu bener),hiji hamba henteu bisa ngadamel kana pagawean dirina jwung henteu dipaksa pikeun migawe hiji perkara.balikta Alloh ngadamel pagawean-pagawean anu timbul tina diri hiji hamba,sarta pikeun eta hiji hamba aya hiji daya ikhtiar (usaha) pikeun ngalakonan eta pagawean
قَوْلُهُ : قَالَ السَّعْدُ فِی شَرْحِ الْعَقَائِدِ
Menurut seh said dina kitab sarah aqoid : ieu ihtiarteh moal bisa dibahasakeun ku hiji bahasa,tapi hiji jalma bisa manggihan kana ayana ihtiar nyaeta ku (saperti) usikna leungeun dimana-mana kumanehna digerakeun (meunang ngausahakeun),jeung usikna hiji perkara kupedah katiup angin (meunang maksa).sok wae buktikeun...!CATATAN HUSUS :
- Qodo aya dua :
1).qodo mubrom : papasten Alloh anu henteu dicantelkeun kana ihtiarna mahluq (فی علم الله)
2).qodo mu'alaq : papasten Alloh anu dicantelkeun kana ihtiarna mahluq (فی لوح المحفوظ)
- Af'alulloh aya dua :
1).idtirori : af'alulloh anu henteu dicantelkeun kana ihtiarna mahluq
2).ihtiyari : af'alulloh anu dicantelkeun kana ihtiyarna mahluk
قَوْلُهُ : وَمِنَ الْجَائِزِ عَليْهِ تَعَالَی إِرْسَالُ جَمِيْعِ الرُّسُوْلِ
Termasuk kana perkara anu jaiz di Alloh nyaeta ngutusna Alloh ka para Rosul.atuh ngutusna Alloh ka para Rosulteh hukumna jaiz kalawan ku karuniana Alloh lain kupedah wujud.da pikeun Allohmah moal aya hiji perkara anu wajib pikeun dipidamel jeung ditinggalkeuna.CATATAN :
Jadi Rosul atawa jadi Nabi henteu bisa diusahakeun
قَوْلُهُ : وَمِمَّا يَجِبُ اعْتِقَادُهُ أَنَّ أَفْضَلَ الْمَخْلُوْقَاتِ
Wajib di Imankeun / diteqadkeun kana yen tingkatan kaunggulan mahluqteh1.Nabi Muhammad SAW
2.para Nabi Ulul Azmi (anu boga kapengkuhan),nyaeta :
- Nabi Ibrohim
- Nabi Musa
- Nabi Isa
- Nabi Nuh.
Kautamaanana nurutkeun sakumaha runtuyanana.
Menurut qaol soheh Ulul Azmiteh aya lima (jahijina Kanjeng Nabi Muhammad SAW ditambahan sareng anu opat bieu),tapi ceuk hiji qilmah Ulul Azmiteh leuwih ti lima.
3.sasesana para Rosul
4.sasesana para Nabi
5.para Malaikat
Sami satuluyna para Sohabat tuluy para Auliya
Masih keneh termasuk anu wajib dikanyahokeun nyaeta :
- sadaya para Nabi pasti dibere kakuatan ku ayana mu'jizat
- kanjeng Nabi Muhammad dibere kahususan diantara para nabi anu sejena :
1).jadi panutup para nabi
2).syareatna moal di nasah nepika qiamat
3).lungsurna deui nabi Isya AS ngahukuman ku syareatna kanjeng Nabi Muhammad SAW (engke dina poe qiamat).
Kalawan carana :
- ceuk hiji qil,Nabi Isya ngagunakeun eta syareat meunang nyokot tina Al-Qur'an jeung Al-Sunah
- ceuk hiji qil deui mah,nabi isya sumping ka quburana kanjeng Nabi teras ngaos ka kanjeng nabi
قَوْلُهُ : وَاعْلَمْ أَنَّهُ يُنْسَخُ بَعْضُ شَرْعِ نَبِيِّنَا بَبَعْضِهِ الْآخَرَ
Masih termasuk tina anu wajib diimankeun nyaeta : sapalih tina syareat kanjeng Nabi aya anu dinasah ku sapalih syare'atna keneh kalawan henteu aya kakurangan naon-naon.Conto :
Idahna awewe anu ditinggal maot ku salakina,anu asalna satahun di nasah jadi opat bulan sapuluh poe
Dalilna :
مَا نَنْسَخْ مِنْ آيَةٍ أَوْ نُنْسِهَا نَأْتِ بِخَيْرٍ مِنْهَا أَوْ مِثْلِهَا أَلَمْ تَأْلَمْ أَنَّ اللّٰهَ عَلَی كُلِّ شَيْئٍ قَدِيْرٌ (البقرة : ١٠٦)
Jeung wajib deu ka sakabeh mukalaf ngama'rifatkeun jeung tasdikna kana yen sakabeh para Rosul anu aya dina Al-Qur'an secara terperinci.CATATAN :
Henteu meunang (musyrik) tasdeq kana ajaran para Rosul salianti ajaran nabi Muhammad,ngan wajib ngama'rifatkeun wungkul.
قَوْلُهُ : أَمَّا غَيْرُهُمْ فَيَجِبُ الْإِيْمَانُ بِهِمْ إِجْمَالًا
Ari ngaimankeun ka salianti para Rosul anu aya dina Al-Qur'an eta oge wajib,tapi ngan secara gemblenganana wungkul.Syeh sa'id nuqil dina Sarah Al-Maqosid : ngaimankeun ka para Rosul cukup ku secara gemblenganana wungkul,termasuk anu aya dina Al-Qur'an.sapalih ulama nganadomkeun
حَتْمٌ عَلَی كُلِّ ذِی تَكْلِيْفِ مَعْرِفَةٌ ۞ بِأَنْبِيَاءَ عَلَی الْتَّفْصِيْلِ قَدْ عُلِمُوْا
فِی تِلْكَ حُجَّتُنَا مِنْهُمْ ثَمَانِيَةٌ ۞ مِنْ بَعْضِ عِشْرٍ وَيَبْقَی سَبْعَةٌ وَهُمُوْا
إِدْرِيسٌ هُوْدٌ شُعَيْبٌ صَالِحٌ وَكَذَ ۞ ذُوْ الْكِفْلِ آدَمُ بِالْمُخْتَارِ قَدْ خُتِمُوْا
اَيْتَ مِسْتِی كَاسَكُورْ مُكَلَفْ غَايَهَوْكٓنْ ۞ وِينْجِيْكَانْ جٓنٓغَانْ نَبِی دِيْنَا قُرْأَنْ مَسِغْ تِمُوْ
آيَةْ تِلْكَ حُجَّتُنَا دَلَفَانْ بٓلَاسْ كُوْمْفُوْلْنَا ۞ تُجُوهْ يَيْسَا نُوْ تٓ كُومْفُولْ جٓنٓغَانْ تَوْغْ تٓمُوْ
اِدْرِيسْ شُعَيبْ جٓغْ صَالِحْ ذُوْالْكِفْلِ نَبِی اَدَمْ ۞ نَبِیْ مُحَمَّدْ فَانُوغْتُغَانْ فَرَا نَبِیْ سِيغْ تِمُوْ
قَوْلُهُ : وَمِمَّا يَجِبُ اعْتِقَادُهُ أَنَّ أَصْحَابَهُ
Masih termasuk kana anu wajib di i'tiqadkeun,nyaeta pang unggulna qurun :1.qurun sohabat
2.qurun tabi'in
3.qurun itbau tabi'in
Anu pang unggulna ti para sohabat :
1.Abu bakar sidiq
2.Umar bin Khotob
3.Utsman bin Afan
4.Ali bin Abi tholib karomallohu wajhah
Ceuk syeikh Ulqomi mah anu pang utamateh nyaeta Siti Fatimah,teras Sayid Ibrohim (duanana putrana kanjeng nabi),teras khulafau rosyidin anu opat
Dalil anu nguatan kana pendapatna Ulqomi nyaeta dawuhan sayidina maluku
" لَا أَفْضَلَ عَلَی بِضْعَةِ رَسُوْلِ اللّٰهِ ﷺ أَحَدًا "
Hartosna :Moal aya saurang oge anu ngunggulan kana taktakan daging Rosullulloh (putra-putrana)
Masih termasuk anu wajib di i'tiqadkeun nyaeta : bahwa kanjeng nabi Muhammadteh dilahirkeun di kota mekah,pupusnamah di madinah.wajib pikeun para bapa supaya ngawurukan ka putra-putrana kana perkara anu bieu (tegesna masalah asal-usulna Rosul),jeung anu sanesna
Numutkeun syeikh Al-Ajhuri,wajib ka sakabeh jalma nganyahokeun turunan kanjeng nabi ti jihat ibu sareng ti jihat ramana,anu insya Alloh bakal dijelaskeun.
قَوْلُهُ : وَيَنْبَغِی أَنْ يَعْرِفَ كُلُّ شَخْصٍ عِدَّةَ أَوْلَادِهِ
Peryogi pikeun sakabeh jalma nganyahokeun bilangan putrana kanjeng nabi jeung katartiban dina lahirna,sabab sakabeh jalma peryogi nganyahokeun ka dununganana,sedengkeun ari putrana kanjeng nabi mangrupakeun dunungan tina amat.Putra kanjeng nabi numutkeun qaol soheh aya tujuh :
1.sayid Qosim
2.sayidatuna Zaenab
3.sayidatuna Ruqoyah
4.sayidatuna Fatimah
5.sayidatuna Umi kulsum
6.sayid Abdulloh,anu sok disebut ku toyib jeung ku tohir
7.sayid Ibrohim
CATATAN :
Henteu dijelaskeun lafad "yanbagi" didieuteh tuduh kana wajib atawa sunat,ngan lamun ditingali tina bandingan qiyasmah tuduh kana wajib
- Anu genep salianti sayiduna Ibrohim sadayana ti siti khodijah,lamun sayid Ibrohimah putra ti siti maryah urang qibti.
الثَّانِيَةُ وَالْأَرْبَعُوْنَ الصَّدْقُ لِلرُّسُلِ
Aqidah nomor ka opat puluh dua nyaeta sifat Sidiq (anu wajib dibpara Rosul),hartina Rosul wajib bener dina sakabeh ucapanana
CATATAN : Sidiq aya opat gambaran
1).akur ucap jeung teqad jeung buktina.saperti ucapan mu'min yen Allohteh hiji
2).akur ucap jeung bukti,henteu akur jeung teqad.saperti omongan jalma munafiq
3).akur teqad jeung bukti,henteu akur jeung ucapan.saperti omongan jalma anu dipaksa.
4).akur teqad jeung ucapan henteu jeung buktina.saperti omongan yahudi yen pangeran aya tilu
قَوْلُهُ : الثَّالِثَةُ وَالْأَرْبَعُوْنَ وَالْأَمَانَةُ
Akidah nomber ka opat puluh tilu nyaeta sifat Amanah (anu wajib) dipara Rosul,hartina Rosul wajib kasifatan ku sifat Amanah,dina harti para Rosul karaksa tina tumibana kana muharromat jeung makruhatCATATAN : Amanah aya tilu :
1).Amanah lugowi : hartina percaya
2).Amanah syar'i : hartina titipan
3).Amanah aqoid : sagala anu di ucapkeun boh kudu atawa ulah,anjeuna anu tipayun midamelna
قَوْلُهُ : الرَّابِعَةُ وَالْأَرْبَعُوْنَ تَبْلِيْغُ مَا أُمِرُوْا
Akidah nomber ka opat puluh opat nyaeta sifat tablig (anu wajib) di para Rosul,hartina Rosul pasti nepikeun kana sakabeh perkara anu wajib di tepikeun ka sakabeh mahluq
قَوْلُهُ : الْخَامِسَةُ وَالْأَرْبَعُوْنَ الْفَطَنَةُ
Aqidah nomber ka opat puluh lima nyaeta sifat Fatonah (anu wajib) di para Rosul hartina linter,tegesna rosul wajib pinter sahingga bisa ngelehkeun kana hujahna musuh
قَوْلُهُ : فَهَذِهِ الْأَرْبَعَةُ تَجِبُ لَهُمْ عَلَيْهِمِ الصَّلَاتُ وَالسَّلَامُ
Tah eta sifat anu opat (sidiq,amanah,tablig,fatonah) mangrupakeun sifat anu wajib di para Rosul,dina harti aqal henteu narima lamun Rosul henteu kasifatan ku eta sifat,sarta can bisa disebutkeun iman lamun acan nganyahokeun kana eta sifat.dina masalah ieu terjadi ikhtilaf antara imam Sanusi jeung anu liyanaMustahil di Rosul / lalawanan eta sifat anu opat nyaeta :
1.kidib : bohong
2.khiyanat : cidera kupedah migawe paharaman jeung pamakruhan
3.kitman : nyumputkeun kana bakal barang anu diparentahkeun kudu ditepikeun
4.biladah : belet (teu mampu ngalawanan hujahna musuh)
Tah ieu anu opat mustahil ayana di para Rosul,kalawan harti henteu kaharti ku aqal lamun Rosul kasifatan ku sifat anu opat ieu.nyakitu can bisa disebut iman lamun can ngarti kana ieu sifat,kalawan masih terjadi ikhtilaf imam Sanusi jeung anu sejena.
Jadu jumlah sadayana aqidahteh aya opat puluh salapan.bisa sampurna jadi lima puluh ditambah hiji deui ku sifat anu jaiz di para Rosul.
Sifat anu jaiz di para Rosul nyaeta A'rodul basariyah,hartina sifat kamanusaan anu henteu matak ngadatangkeun kana sifat kakurangan dina martabatna para Rosul anu luhur
CATATAN sampingan :
- A'rodul basariyah hartina sifat-sifat kamanusaan anu henteu matak nyacad dina pangkat karosulan,conto anu nyacad saperti corob,gelo,lumpuh.anapon ari panyakit nabi Ayub etamah dijeroeun kulit liarwun daging (henteu katingali ku manusa).dongeng anu nyebutkeun nabi Ayubteh budug anu pinuh ku bilatung sehingga nepika di usir,etateh bingung.
- A'rodul basariyah jaiz di Rosul,hartina wenang Rosul kasifatan ku sifat kamanusaan saperti jalma biyasa,tegesna henteu mustahil jeung henteu wajib
- A'rodul basariyah kabagi dua :
1.Idtirori : anu henteu aya panaklip (henteu bisa di saurkeun ka ummat),saperti nentuk
2.Ihtiyari kabagi dua :
- padamelan Rosul anu henteu aya tuntutan syara'na (henteu aya jalan deuheus + to'at) disebut جبلی مخص
- padamelan anu aya jalan gawe deuheus jeung to'at.jalan deuheus jeung to'at ka Alloh (غير جبلی) aya dua
1.husus pikeun Rosul (henteu kudu di tuturkeun ku ummatna) saperti ngagaduhan istri salapan
2.umum ka Rosul jeung ka umat,gambaran henteu aya dalil khusus kanggo nabi maka anu ieu jadi uswatun hasanah
قَوْلُهُ : وَدَلِيْلُ وُجُوْبِ الصِّدْقِ لَهُمْ عَلَيْهِمُ الصَّلَاةُ وَالسَّلَامُ
Dalil kana wajibna sifat sidiq di para rosul : lamun rosul bohong pasti hobar Alloh (berita ti Alloh) bohong,sedengkeun Alloh mustahil bohong (pasti benerna),atuh rosul bohong oge mustahil,maka tetep sifat sidiq wajib di para Rosul.Penjelasan hobar Alloh (lamun) bohong : lamun para Rosul bohong kieu "saestuna Alloh ngabenerkeun kana pengakuan para rosul kana jadi rosul ku ngadohirkeun nyieun mu'jizat"
Sedengkeun ari ayana mu'jizat seolah-olah dawuhan Alloh kieu "hamba kami bener dina sakabeh anu ditepikeun ku maranehan nana ti kami"
Atuh secara terperincina kieu : lamun Rosul datang ka kaomna,pasti bakal terjadi kieu :
- Rosul : kuring utusan Alloh anu di utus ka aranjeun
- qaom : naon dalilna yen anjeunteh utusan..?
- Rosul : ngabeulahkeun ieu gunung
Tah lamun ceu qaom teh "coba buktikeun..!" Maka Alloh pasti ngabeulahkeun eta gunung pikeun ngabenerkeun kana pengakuan Rosul yen manehna di angkat Rosul ku Alloh.atuh beulahna eta gunungteh seolah-olah saur Allohteh "bener hamba kami dina sakabeh anu di tepikeun ku maranehanana ti kami".tah lamun eta Rosulteh bohong,berarti Alloh ngabenerkeun kanu bohong,sedengkeun ari ngabenerkeun anu bohong etateh bohong tea,atuh lamun kitumah hobar Allohteh bohong.
قَوْلُهُ : وَأَمَّا دَلِيْلُ الأَمَانَةِ أَيْ عِصْمَتُهُمْ
Dalil sifat Amanah (kariksana para rosul tina migawe haram atawa makruh dina dohir atawa batin) :- lamun Rosul cidera ku ngalaksanakeun haram atawa makruh,berarti urang oge diparentah supaya migawena
- sedengkeun henteu sah urang diparentah migawe haram jeung makruh,lantaran Alloh ngalarang (henteu matentah)
- atuh jelas rosul tara barang damel kajaba to'at,etamah rek wajib atawa sunat
- maka tetep rosul amanah
Anapon ari rosul midamel perkara mubah,etamah ngajelaskeun ka umatna yen midamel eta pagaweanteh hukumna jaiz
قَوْلُهُ : وَأَمَّا دَلِيْلُ التَّبْلِيغْ فَلِأَنَّهُمْ
Dalil sifat tablig di Rosul :- lamun Rosul nyumputkeun kana tablig,berarti urang diparentah pikeun nyumputkeun Ilmu
- sedengkeun urang sadayana henteu meunang nyumputkeun elmu,lantaran anu nyumputkeun ilmu mah di la'nat
- atuh jelas Rosulteh henteu nyumputkeun ilmu
- maka wajib Rosul kasifatan ku sifat tablig
قَوْلُهُ : وَأَمَّا دَلِيْلُ الْفَطَانَةِ أَيِ الْحَذَقِ
Dalil sifat fatonah tegesna cerdas :- lamun Rosul henteu pinter tangtu moal bisa ngadatangkeun hujah pikeun ngelehkeun musuh
- sedengkeun Rosul henteu ngadatangkeun hujah teh eta bohong,sabab geus dijelaskeun dina Al-Qur'an yen Rosulteh nangtungkeun hujjah
- sedengkeun moal samata-mata rosul nangtungkeun hujah lamun henteu pinter
- atuh jelas Rosul teh pinter (Alfatonah)
CATATAN :
Dalil-dalil naqlina sifat-sifat Rosul
1.Sidiq
وَلَمَّا رَأَی الْمُؤْمِنُوْنَ الْأَحْزَابَ قَالُوْ هَذَا مَا وَعَدَنَا وَرَسُوْلُهُ وَصَدَقَ اللّٰهُ وَرَسُوْلُهُ وَمَا زَادَهُمْ إِلَّا إِيْمَانًا وَتَسْلِيْمًا (الاحزاب : ٢٦)
2.Amanah
لَقَدْ كَانَ لَكُمْ فِی رَسُوْلِ اللّٰهِ أُسْوَةٌ حَسَنَةٌ (الاحزاب : ٢٦)
3.Tablig
يَا أَيُّهَا الرَّسُوْلُ بَلِّغْ مَا أُنْزِلَ إِلَيْكَ مِنْ رَبِّكَ (المائده : ٦٧)
فَإِنْ تَوَلَّيْتُمْ إِنَّمَا عَلَی رَسُوْلِنَا الْبَلَغُ الْمُبِينْ (المائده : ٩٢)
4.Fatonah
وَتِلْكَ حُجَّتُنَا آتَيْنَاهَا إِبْرَاهِيْمَ عَلَی قَوْمِهِ (الانعام : ٨٣)
وَجَادِلُهُمْ بِالَّتِی هِيَ أَحْسَنُ (النمل : ١٢٥)
االحمد لله ربّ العالمين
TAMATRabu,29 April 2020
Jam : 17 : 45
Comments
Post a Comment