Mertelakeun susuci (Riyadul badi'ah)

 

كِتَابُ الطَّهَرَةِ

قَوْلُهُ : لَا يَصِحُ اَلْوُضُوْءُ.....اَلنَّازِلِ مِنَ السَّمَاءِ وَالنَّابِعِ مِنَ الْاَرْضِ

Moal sah wudu,adus jeung ngaleungitkeun najis kajaba make cai suci tur nyucikeun.
Ari ngaran cai suci tur nyucikeun (طَهُرْ) eta cai anu henteu katibaan ku najis atawa barang suci anu ancur sarta lain saeutik bari urut make.
Ari sumber cai eta aya dua,nya eta :
1.cai anu nyumber ti langit,nya eta aya tilu :
- cai hujan
- cai ibun
- cai es
2.cai anu nyumber ti bumi,nyaeta :
- cai laut
- cai walungan
- cai sumur
- cai nyusu (cai entuk)

قَوْلُهُ : فَاِذَا وَقَعَ فِيْهِ شَيْءٌ.....اَوْ اُزِيْلَتْ بِهِ نَجَاسَةٌ

Lamun cai طَهُرْ katibaan barang suci anu ancur saperti madu atawa perkara anu henteu ancur sarta ngarobah anu kacida maka hukumna suci tapi henteu nyucikeun kana najis atawa kana hadas sanajan loba.
Nyakitu deui cai musta'mal urut ngaleungitkeun najis atawa hadas,lamun kurang ti dua kulah bari henteu robah ku najis saperti tapak ngilangkeun najis mutawasitoh hukmiyah maka hukumna suci tapi henteu nyucikeun.

قَوْلُهُ : وَاِذَ وَقَعَ فِيْهِ نَجَاسَةٌ .....وَكَانَ اَلْبَاقِی قُلَّتَيْنِ

Lamun cai suci katibaan najis maka hukumna :
۞ lamun caina saeutik maka jadi mutanajis sanajan henteu barobah rasa,warna sareng ambeuna.
۞ lamun caina seueur bari henteu barobah maka tetep suci,lamun robah maka jadi mutanajis
Cai mutanajis bisa jadi suci deui lamun leungit robahna saperti ku jalan :
1.robah kusorangan sabab lila disimpen
2.ditambahan cai suci
3.dipiceun sawareh anu mutanajisna bari sesana masih aya dua kulah

قَوْلُهُ : وَالْقُلَّتَانِ خَمْسُمِائَةِ رِطْلٍ.....مِنْ قُرَّبِ الْحِجَّازِ

Ari ukuran dua kulah eta 500 kati kawan kati bagdad,tegesna
* lamun ku literan eta 216 liter

(اه فِقْهُ الْوَاضِحْ اَلْجُزْءُ الْاَوَّلْ)

* lamun ku ukuran pasagi kira-kira 60cm jangkung,lebar sareng panjangna.

قَوْلُهُ : لَوْ وَقَعَ فِی السَّمَنِ.....وَوَزْغٍ وَلَمْ تُغَيِّرْهُ لَمْ يَتَنَجَّسْ

Lamun minyak atawa cai saeutik katibaan ku najis anu henteu katingali ku panon anu meujeuhna (anu normal) atawa katibaan bangke anu henteu aya getihan anu ngocor saperti langgir,cakcak bari henteu ngarobah maka hukumna henteu jadi mutanajis (dihampura)

فَصْلٌ : وَيَحِلُّ اِسْتِعْمَالُ جَمِيْعِ الْمَوَاعِيْنِ.....بِعُرْضِهِ عَلٰی النَّارِ

Halal make sadaya jinis wawadahan anu bersih kajaba tina emas jeung perak bari henteu madarat.haram make barang anu disipuh ku emas atawa perak bari loba,tandana loba lamun dipanasan leeh sipuhanana.

قَوْلُهُ : اَلْحَيَوَانَاتُ كُلُّهَا.....اِنْ ذُبِحَ ذَبْحًا شَرْعِيًّا

Sakur hayawan jadi najis lamun paeh,kajaba bangsa adam,lauk cai,simeut sareng hayawan nu sok dituang dagingna anu dipeuncit ku peuncitan bangsa syara.

قَوْلُهُ : وَجُلُوْدُهَا تَطْهُرُ بِالدِّبَاغِ.....اَلصَّلَاةُ مَعَهُ اِلَّا بَعْدَ غَسْلِهِ

Kulit bangke bisa suci ku jalan disamak,kajaba kulit anjing,babi sareng turunanana.teu sah kulit bangke dipake sholat saba'da disamak bari baseuh,kajaba dikumbah heula.